UJeremiya 7:23 - iBhayibhili Elingcwele 1978

²³ Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

IBhayibhili Elingcwele LesiNdebele

²³ kodwa ngabanika umlayo lo othi: Ngilalelani, njalo ngizakuba nguNkulunkulu wenu lina libe ngabantu bami. Hambani ngezindlela zonke engililaye zona, ukuze kulilungele.

UJeremiya 7:23 ပူးပေါင်းရင်းမြစ်များ

UJobe 36:11

Uba elalela, amkhonze, ayaqeda insuku zawo ephumelela, leminyaka yawo phakathi kokunengi.

AmaHubo 119:3

abangenzi ukungalungi, kodwa behamba endleleni zayo.

AmaHubo 40:6

Umhlatshelo lomnikelo kawuwudingi, umnikelo wokutshiswa lomnikelo wesono kawuwubizi; kodwa unginikile indlebe evulekileyo.

AmaHubo 81:13

Kungathi abantu bami bengangilalela, loIsrayeli ahambe endleleni zami!

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Eksodasi 16:32

UMose wathi: Lokhu yikho iNkosi elaye ngakho ukuthi: Kakugcinelwe izizukulwana zenu iyomeri eligcwele lokhu, ukuba zibone isinkwa engalinika sona enkangala ekulikhupheni kwami elizweni laseGibithe.

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

UJeremiya 11:4

engalaya ngawo okhokho benu lapho ngibakhupha elizweni laseGibithe, esithandweni sokuncibilikisa insimbi, ngathi: Lalelani ilizwi lami, lenze konke engilitshela khona, libe ngabantu bami, lami ngibe nguNkulunkulu wenu,

UJeremiya 11:7

Ngoba ngabalayisisa okhokho benu ekubakhupheni kwami eGibithe, ngisalilaya lalamhla ngisithi: Lalelani ilizwi lami.

UJeremiya 13:11

Ngoba njengokuba ibhanti linamathela okhalweni lomuntu, ngokunjaloke ngenzile ukuba yonke indlu yakoIsrayeli lendlu yakoJuda zinamathele kimi, kutsho iNkosi, ukuba babe ngabantu bami, lebizo, lodumo, lokudunyiswa; kodwa kabalalelanga.

UJeremiya 22:21

Ngakhuluma lawe uselenhlanhla, kodwa wena wathi: Kangiyikulalela. Lokho kuyindlela yakho kusukela ebutsheni bakho, ukuba ungalilaleli ilizwi lami.

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

UJeremiya 24:7

ngibanike inhliziyo yokwazi ukuba mina ngiyiNkosi; bazakuba ngabantu bami, ngibe nguNkulunkulu wabo, ngoba bazabuyela kimi ngenhliziyo yabo yonke.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 38:20

UJeremiya wathi: Kawuyikunikelwa kubo; lalela ilizwi leNkosi ngalokho engikutsho kuwe, kuzakukulungela, futhi uzakusila.

UJeremiya 42:6

Loba kukuhle loba kukubi, sizalalela ilizwi leNkosi, uNkulunkulu wethu, esikuthuma kuyo, ukuze kusilungele lapho sililalela ilizwi leNkosi, uNkulunkulu wethu.

UZefaniya 3:2

Kawulaleli lizwi, kawamukeli kulaywa, kawuthembeli eNkosini, kawusondeli kuNkulunkulu wawo.

UZakhariya 6:15

Lalabo abakhatshana bazafika ukusiza ukwakha ithempeli leNkosi; lizakwazi ukuba iNkosi yamabandla ingithumile kini. Lokhu kuzakwenzeka, uba lilalela ilizwi leNkosi uNkulunkulu ngenhliziyo zenu zonke.

UZakhariya 7:7

Nxa iJerusalema lalisakhiwe liphumelele, lemizi yalo yonke ilihangile, leNegebi leShefela kwakhiwe kuzo, la ayengesiwo amazwi iNkosi eyawatshumayela ngabaprofethi bakuqala na?

AbaseRoma 16:26

kodwa isibonakalisiwe khathesi, yaziswa ezizweni zonke ngemibhalo yabaprofethi njengomlayo kaNkulunkulu ongapheliyo ukuze zilalele ngokukholwa,

2 AbaseKhorinte 10:5

Sichitha inkani, lakho konke okuziphakamisela ukumelana lokumazi uNkulunkulu, lemicabango yonke siyithumbela ukumlalela uKristu;

UDutheronomi 11:27

isibusiso, uba lilalela imithetho yeNkosi uNkulunkulu wenu engililaya yona lamuhla;

UDutheronomi 13:4

Kodwa lizakulandela iNkosi uNkulunkulu wenu, liyesabe, ligcine imithetho yayo, lilalele ilizwi layo, liyikhonze, libambelele kuyo.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 30:2

lizabuyela eNkosini uNkulunkulu wenu lina labantwana benu, lilalele ilizwi layo ngenhliziyo yenu yonke langomphefumulo wenu wonke, kukho konke engililaya khona lamuhla.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 30:8

Lizabuya lilalele ilizwi leNkosi, ligcine yonke imilayo yayo engililaya yona lamuhla.

UDutheronomi 4:10

ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 5:16

Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

UDutheronomi 6:3

Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.