UJeremiya 7:20 - iBhayibhili Elingcwele 1978

²⁰ Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

IBhayibhili Elingcwele LesiNdebele

²⁰ ‘Ngakho uThixo Wobukhosi uthi: Ukuthukuthela kwami lolaka lwami kuzakwehliselwa kule indawo, phezu kwabantu lasezinyamazaneni, phezu kwezihlahla zeganga laphezu kwezithelo zomhlabathi; njalo kuzakutsha kungacitsheki.

UJeremiya 7:20 ပူးပေါင်းရင်းမြစ်များ

2 AmaKhosi 22:17

Ngoba bangidelile, batshisela abanye onkulunkulu impepha, ukuba bangithukuthelise ngazo zonke izithombe zabo. Ngakho intukuthelo yami izakuvutha ngalindawo, ingadedi.

U-Isaya 10:17

Ukukhanya kukaIsrayeli kuzakuba ngumlilo, loNgcwele wakhe abe lilangabi; kuzakutshisa kuqede ameva alo lokhula lwalo ngasuku lunye.

U-Isaya 42:25

Yehlisela phezu kwakhe ukuvutha kolaka lwayo lamandla empi; yamfaka phakathi komlilo, kodwa kaqedisisanga; yamtshisa, kodwa kalalelanga.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

UJeremiya 11:16

INkosi yake yakubiza ngokuthi: Uyisihlahla seoliva esiluhlaza, esilezithelo ezinhle; kodwa ngomdumo wesiphepha esikhulu izakusithungela ngomlilo lengatsha zaso zitshiswe.

UJeremiya 12:4

Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

UJeremiya 14:16

kuthi abantu abatshumayela kibo baphoselwe endleleni zeJerusalema, bebulewe yindlala lempi, kungasekho muntu wokubangcwaba, bona labomkabo, lamadodana abo lamadodakazi abo. Ngoba ngizakwehlisela ububi babo phezu kwabo.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

UJeremiya 17:4

Uzaliyekela ngokwakho ilizwe lakho engakunika lona, ngikwenze ukuba usebenzele izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 42:18

INkosi yamabandla, uNkulunkulu kaIsrayeli, ithi: Njengokuba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi.

UJeremiya 44:6

Ngakho ulaka lwami lokuthukuthela kwami kwavutha emizini yonke yakoJuda lasezindleleni zeJerusalema; zaphenduka zaba yinkangala, zachitheka njengalamhla nje.

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

UJeremiya 6:12

Izindlu zabo zizanikwa abanye, amasimu abo kanye labomkabo; ngoba ngizaphakamisela isandla sami kwabakhileyo elizweni, kutsho iNkosi.

UJeremiya 8:13

Bengithanda ukubabutha, kutsho iNkosi, kodwa kazikho izithelo evinini, lomkhiwa kawukho; ngitsho lamahlamvu abunile, lalokho engibanike khona kusukile kibo.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 22:22

Njengesiliva sincibilikiswa esithandweni somlilo, ngokunjalo lizancibilikiswa phakathi kwawo. Lizakwazi ukuba mina Nkosi ngehlisele ulaka lwami phezu kwenu.

UHezekhiyeli 7:12

Isikhathi sesifikile, losuku lusondele. Umthengi kangathokozi, lothengisayo angazisoli, ngoba ulaka lwehlela phezu kwabo bonke.

UHezekhiyeli 7:14

Selukhalisiwe uphondo, bazilungiselela bonke, kodwa kakho ophumayo ukuya empini, ngoba ukuthukuthela kwami kwehlele phezu kwabo bonke.

UDanyeli 9:11

Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UZefaniya 1:2

Lathi: Ngizaqothula konke kuthi nya emhlabeni, itsho iNkosi;

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.

UZakhariya 7:12

Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.