UJeremiya 7:18 - iBhayibhili Elingcwele 1978

¹⁸ Abantwana batheza inkuni, oyise baphembe umlilo, abesifazana baxove inhlama, ukuba benzele iNkosikazi yaphezulu amaqebelengwana, bathululele abanye onkulunkulu iminikelo yokuthululwa, ukuba bangicunule.

IBhayibhili Elingcwele LesiNdebele

¹⁸ Abantwana batheza inkuni, oyise babasa imililo, labesifazane baxova inhlama benzele iNdlovukazi yaseZulwini isinkwa. Bathelela abanye onkulunkulu iminikelo yokunathwayo ukuba bangithukuthelise.

UJeremiya 7:18 ပူးပေါင်းရင်းမြစ်များ

1 AmaKhosi 14:9

wena wenzile okubi ukwedlula bonke ababekhona ngaphambi kwakho, uzenzele abanye onkulunkulu lezithombe ezikhandiweyo, wangithukuthelisa, wangifulathela.

1 AmaKhosi 16:2

Ngakuphakamisa othulini, ngakwenza waba ngumphathi wabantu bami uIsrayeli, kodwa ulandele indlela zikaJerobowamu, wenza ukuba abantu bami uIsrayeli bone, bangithukuthelise ngezono zabo.

AmaHubo 16:4

Labo abakhetha omunye unkulunkulu bazandisela izinhlupheko; kangiyikunikela iminikelo yabo yegazi; lamabizo abonkulunkulu babo kangiyikuwaphatha emlonyeni wami.

U-Isaya 3:8

IJerusalema ikhubekile, loJuda uwile, lokhu ukukhuluma kwabo lokwenza kwabo kuphambene leNkosi, ukudelela ubukhosi bayo.

U-Isaya 57:6

Wena omubi, onkulunkulu bakho bangamatshe abutshelezi asesihotsheni; kiwo uthululele umnikelo wokuthululwa, waletha lomnikelo wempuphu. Ngizathokoziswa yilokhu na?

U-Isaya 65:11

Kodwa lina elitshiya iNkosi, likhohlwe intaba yami engcwele, liphakulele unkulunkulu uNhlanhla ukudla, limgcwalisele inkezo ngewayini elixutshiweyo unkulunkulu uSimiselo,

U-Isaya 65:3

abantu abangithukuthelisayo njalonjalo, besenza imihlatshelo emasimini, betshisa impepha phezu kwezitina;

UJeremiya 1:16

Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.

UJeremiya 11:17

INkosi yamabandla eyakuhlanyelayo ikhulumile okubi ngawe, ngenxa yobubi obenziwe yindlu yakoIsrayeli leyakoJuda, bangicunula ngokutshisela uBali impepha.

UJeremiya 17:2

abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 25:7

Kodwa kalingilalelanga, kutsho iNkosi, ukuba lingivuse ulaka ngezithombe zenu, ukuba lehlelwe ngokubi.

UJeremiya 32:29

AmaKaladiya ahlasela lumuzi azafika, awuthungele ngomlilo, awutshise kanye lezindlu obekunikelelwa phezu kwazo impepha kuBali, lobekuthululelwa phezu kwazo iminikelo yokuthululwa kwabanye onkulunkulu ukungicunula.

UJeremiya 44:25

INkosi yamabandla, uNkulunkulu kaIsrayeli, ithi: Lina labomkenu likukhulumile ngemilomo yenu, lakugcwalisa ngezandla zenu, lathi: Sizagcwalisa impela izifungo zethu esizenzileyo zokuba sitshisele iNkosikazi yaphezulu impepha, siyithululele iminikelo yokuthululwa. Ngakho qinisani izifungo zenu, lizenze!

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UJeremiya 7:17

Kawukuboni yini lokho abakwenza emizini yakoJuda lasezindleleni zaseJerusalema na?

Izililo 5:13

Amajaha asetshenziswa ngamandla ukuchola, labafana basindwa yiminyaba yenkuni.

UHezekhiyeli 16:26

Wabuya wawula lamaGibithe, omakhelwana bakho ababewula kakhulu, usandisa ukuwula kwakho ukuba ungithukuthelise.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UHezekhiyeli 8:17

Wasesithi kimi: Uyakubona lokhu, wena ndoda na? Kuyinto elula koJuda ukwenza amanyala abawenzayo lapha yini, ukuba bagcwalise ilizwe ngokubi, bavuse ulaka lwami na? Khangela, babeka ingatsha empumulweni zabo.

1 AbaseKhorinte 10:22

Sizakuyivusa ulaka iNkosi na? Kambe silamandla kulayo na?

UDutheronomi 32:16

Bavusa umhawu wakhe ngonkulunkulu babezizwe, bamthukuthelisa ngokwenza izinto ezinengekayo.

UDutheronomi 32:21

Bavusile umona wami ngalokho okungesuye unkulunkulu; bangithukuthelisile ngezinto zabo eziyize. Ngakhoke ngizavusa umona wabo ngabangesibo abantu, ngibathukuthelise ngesizwe esiyisithutha.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.