UJeremiya 7:13 - iBhayibhili Elingcwele 1978

¹³ Ngakhoke, kutsho iNkosi, ngoba lenzile zonke lezizinto, lingalalelanga lapho ngikhuluma lani njalonjalo, lapho ngilibiza kalingiphendulanga,

IBhayibhili Elingcwele LesiNdebele

¹³ UThixo uthi, kwathi lapho lisenza lezizinto, mina ngakhuluma lani futhifuthi, kodwa kalingilalelanga, ngalibiza, kalaze lasabela.

UJeremiya 7:13 ပူးပေါင်းရင်းမြစ်များ

Izaga 1:24

Ngibizile, kodwa lina lala ukulalela; ngancenga, kodwa kakho owananzayo;

U-Isaya 50:2

Kungani ngingafumananga muntu ekufikeni kwami na? Kungani kungasabelanga muntu ekubizeni kwami na? Licabanga ukuba isandla sami siyehluleka ukukhulula yini, lokuthi kangiselamandla okulikhulula na? Ngokukhuza kwami ngiyomisa ulwandle, ngiphendule imifula ibe yinkangala, izinhlanzi zayo zife ngenxa yokuswela amanzi.

U-Isaya 65:12

ngizakulimisela umkhonto, lonke lizakhothamela ukuhlatshwa; ngoba kwathi lapho ngilibiza, kalasabele, lalapho ngikhuluma, kalilalelanga, kodwa lenza okubi emehlweni ami, lakhetha lokho engingakuthandiyo.

U-Isaya 66:4

Ngakhoke ngizakubakhethela inhlupheko, ngibehlisele lokho abakwesabayo; ngoba ekubizweni kwami kakho owasabelayo, lasekukhulumeni kwami kabalalelanga; kodwa benza okubi emehlweni ami, bakhetha lokho engingakuthandiyo.

UJeremiya 11:7

Ngoba ngabalayisisa okhokho benu ekubakhupheni kwami eGibithe, ngisalilaya lalamhla ngisithi: Lalelani ilizwi lami.

UJeremiya 11:8

Kodwa kabezwanga, kabalalelanga; kodwa benza kwaba yilowo lalowo ngokwenkani yenhliziyo yakhe. Ngasengisehlisela phezu kwabo wonke lamazwi alesisivumelwano engabalaya ukuwagcina, kodwa kabawagcinanga.

UJeremiya 13:10

Lababantu ababi, abala ukuzwa amazwi ami, belandela inhliziyo zabo ezilenkani, belandela onkulunkulu abanye ukuba babasebenzele babakhonze, bazakuba njengalelibhanti elingasizi lutho.

UJeremiya 13:11

Ngoba njengokuba ibhanti linamathela okhalweni lomuntu, ngokunjaloke ngenzile ukuba yonke indlu yakoIsrayeli lendlu yakoJuda zinamathele kimi, kutsho iNkosi, ukuba babe ngabantu bami, lebizo, lodumo, lokudunyiswa; kodwa kabalalelanga.

UJeremiya 25:3

Sekuyiminyaka engamatshumi amabili lantathu, kusukela emnyakeni wetshumi lantathu wokubusa kukaJosiya indodana kaAmoni, inkosi yakoJuda, kuze kube lamuhla, ilizwi leNkosi lifikile kimi, ngalikhuluma kini njalonjalo, kodwa kalilalelanga.

UJeremiya 26:5

lingawalaleli amazwi ezinceku zami abaprofethi engibathume kini, ngibathuma njalonjalo, kodwa lingabalaleli,

UJeremiya 29:19

ngoba bengawalalelanga amazwi ami engawathuma kibo ngezinceku zami abaprofethi, ngiwathuma njalonjalo, kodwa kabalalelanga, kutsho iNkosi.

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 35:14

Ugciniwe umlayo uJonadabi indodana kaRekabi awunika amadodana akhe wokuba anganathi iwayini; kuze kube lamuhla kawalinathi, ngoba awulalele umlayo kakhokho wawo. Lami ngikhulumile kini njalonjalo, kodwa kalingilalelanga.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 35:17

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Khangela, ngizakwehlisela phezu kwabakoJuda laphezu kwabakhileyo bonke eJerusalema konke okubi engikukhulume ngabo; ngoba ngikhulumile kibo, kabangilalelanga, ngibabizile, kodwa kabasabelanga.

UJeremiya 44:23

Kungenxa yokuba litshisile impepha, lona eNkosini, lingalilalelanga ilizwi layo, lingahambanga ngomlayo wayo langezimiso zayo langemithetho yayo, ngalokho okubi lokhu kwehlele phezu kwenu njengalamhla nje.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UJeremiya 5:21

Zwanini lokhu, lina bantu abayizithutha labayiziphuphuku, elilamehlo kodwa lingaboni, elilendlebe kodwa lingezwa.

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UJeremiya 7:25

Kusukela osukwini okhokho benu abaphuma ngalo eGibithe kuze kube lamuhla, ngithumile kibo zonke inceku zami abaprofethi, ngibathuma insuku ngensuku.

UHosiya 11:2

Kwathi ngibabiza, kwaba ng’khona besuka kimi; baqhubeka ukuhlabela oBali lokutshisela izithombe impepha.

UHosiya 11:7

Abantu bami baqonde ukuhlehla kimi, lanxa bekhuleka kunkulunkulu wabo ophakemeyo, kodwa kayikubasiza.

UHosiya 9:17

UNkulunkulu wami uzabalahla, ngoba kabamlalelanga; bazakuba ngabazulayo phakathi kwezizwe.

UZakhariya 7:13

INkosi yamabandla yathi: Njengoba ngababiza, kabaze bezwa, labo babiza, lami kangaze ngezwa.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.