UJeremiya 7:10 - iBhayibhili Elingcwele 1978

¹⁰ beselisiza ukuba lime phambi kwami kulindlu lapho ibizo lami lidunyiselwa khona, lithi: Sikhululwe! Kodwa liqhubeke ukwenza zonke lezizinengiso.

IBhayibhili Elingcwele LesiNdebele

¹⁰ beselisizakuma phambi kwami kuyonale indlu, eleBizo lami, lithi, “Sivikelekile,” livikeleka ukuba lenze zonke lezizinto ezenyanyekayo na?

UJeremiya 7:10 ပူးပေါင်းရင်းမြစ်များ

1 AmaKhosi 9:3

yathi kuye: Ngizwile ukukhuleka kwakho lokucela kwakho okwenzileyo phambi kwami. Sengiyenze yaba ngcwele lindlu oyakhileyo ukuba ibizo lami lidunyiselwe khona kuze kube nininini; amehlo ami lenhliziyo yami kuzakuba kuyo isikhathi sonke.

2 AmaKhosi 21:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona.

2 ImiLando 33:4

Wakha ama‐altare ethempelini, indlu iNkosi eyakhuluma ngayo yathi: EJerusalema ibizo lami lizadunyiselwa khona kokuphela.

2 ImiLando 33:7

Isithombe ayesenzile wasimisa endlini kaNkulunkulu, indlu uNkulunkulu akhuluma ngayo kuDavida lakuSolomoni indodana yakhe wathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

Izaga 15:8

Umhlatshelo wababi uyisinengiso eNkosini, kodwa umkhuleko wabaqotho uyayithokozisa.

U-Isaya 48:2

Kanti lizibiza ngokuthi lingabantu bomuzi ongcwele, lithembela kuNkulunkulu kaIsrayeli, obizwa ngokuthi yiNkosi yamabandla.

UJeremiya 32:34

Bamisa izinengiso zabo endlini lapho ibizo lami lidunyiselwa khona, ukuba bayingcolise.

UJeremiya 34:15

Linake seliphendukile lamhla, lenza okulungileyo emehlweni ami, lamemezela ukukhululeka kubomakhelwana benu, lenza isivumelwano phambi kwami endlini lapho ibizo lami lidunyiselwa khona;

UJeremiya 44:9

Selakhohlwa yini ububi babokhokho benu, lobubi bamakhosi akoJuda, lobubi babomkabo, lobenu ububi, lobubi babomkenu, elabenza elizweni lakoJuda lasezindleleni zeJerusalema na?

UJeremiya 7:11

Lindlu, lapho ibizo lami lidunyiselwa khona, isiphenduke yaba lubhalu lwabaphangi emehlweni enu na? Khangelani, mina uqobo sengikubonile lokho, kutsho iNkosi.

UJeremiya 7:14

ngizakwenza kulindlu lapho ibizo lami lidunyiselwa khona, elithemba kiyo, lakulindawo engayinika okhokho benu kanye lani, lokho engakwenza eShilo.

UJeremiya 7:30

Abantu bakoJuda benzile okubi phambi kwami; babekile izinengiso zabo endlini lapho ibizo lami lidunyiselwa khona, ukuba bayingcolise, kutsho iNkosi.

UHezekhiyeli 20:39

Linake, Israyeli, kutsho iNkosi uNkulunkulu, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu.

UHezekhiyeli 23:29

Bazakukuzonda, bakuphathe kubi, bakuthathele zonke izithelo zomsebenzi wakho, usale unqunu uze, lokuwula kwakho kuvele obala.

UHezekhiyeli 23:37

Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

UHezekhiyeli 23:39

Ngoba ekubulaleni abantwana babo ukuba babe ngumhlatshelo wezithombe zabo, bangena endlini yami engcwele bayingcolise. Yikho lokho abakwenza endlini yami.

UHezekhiyeli 33:25

Ngalokhoke tshono kibo uthi: INkosi uNkulunkulu ithi: Lidla inyama elegazi, liphakamisele amehlo enu ezithombeni zenu, lichithe igazi; lizahlala kilo ilizwe na?

UHezekhiyeli 33:31

Ngakho abantu bami bayeza kuwe, bahlale phambi kwakho, bezwe okutshoyo, kodwa kabayikukwenza. Ngoba bathanda ngomlomo wabo, kodwa inhliziyo zabo zisenzuzweni yabo.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UDanyeli 9:18

Nkulunkulu wami, beka indlebe yakho uzwe; vula amehlo akho ubone ukuchitheka kwethu, lokomuzi obizwa ngebizo lakho; ngoba kasikhuleki kuwe ngenxa yokulunga kwethu, kodwa ngenxa yesihawu sakho esikhulu.

UHosiya 6:9

Njengabaphangi becathamele umuntu, abapristi bayabuthana ukubulala abantu endleleni eya endaweni engcwele eShekema. yebo, benza okubi.

uAmosi 4:5

linikele umhlatshelo wenu wokubonga ngokuwutshelweyo, limemezele iminikelo yesihle liyizwakalise! ngoba lithanda ukwenza njalo lina bakoIsrayeli, kutsho iNkosi uNkulunkulu.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UMalaki 3:15

Khathesike sithi abaziphakamisayo babusisiwe; abenza okubi yibo abaphumelelayo; lalapho bemlinga uNkulunkulu bayayekelwa.

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

UJohane 13:18

Kangikhulumi ngani lonke; ngiyabazi engibakhethileyo; kodwa kakugcwaliseke umbhalo othi: Odla lami ungivukele.

UJohane 18:28

Basebemkhupha uJesu kuKayafasi, bamusa endlini yombusi; kwakusekuseni. Kodwa kabangenanga bona endlini yombusi ukuze bangangcoli, kodwa babe lokudla iPhasika.