UJeremiya 6:6 - iBhayibhili Elingcwele 1978

⁶ Ngoba iNkosi yamabandla ithi: Gamulani izihlahla zalo, lakhe imiduli yokuvimbezela iJerusalema. Yiwo lo umuzi ofanele ukutshaywa; yikucindezela kuphela phakathi kwawo.

IBhayibhili Elingcwele LesiNdebele

⁶ UThixo uSomandla uthi: “Gamulani izihlahla liziwise lakhe imiduli yokuvimbezela iJerusalema. Idolobho leli kumele lijeziswe, ligcwele ukuncindezela.

UJeremiya 6:6 ပူးပေါင်းရင်းမြစ်များ

U-Isaya 37:33

Ngakhoke iNkosi ithi ngenkosi yaseAsiriya: Kayiyikungena kulumuzi, loba itshoke umtshoko khona, ingabe ize kuwo ilesihlangu, yakhe umduli wokuvimbezela kuwo.

UJeremiya 20:8

Ngoba lapho ngikhuluma, ngiyakhala, ngimemeze ngithi: Okubi lokuchitheka! Ilizwi leNkosi selingilethele ihlazo lokuhlekwa usuku lonke.

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 32:24

Amadundulu okuvimbezela umuzi asekhona ukuba umuzi uthathwe, langenxa yempi lendlala lomkhuhlane umuzi unikelwe ezandleni zamaKaladiya awuhlaselayo. Lokho owakutshoyo kwenzakele njengoba ubona.

UJeremiya 32:31

Lumuzi uvuse ukuthukuthela kwami lolaka, kusukela mhla wakhiwayo kuze kube lamuhla, ukuze ngiwususe kimi,

UJeremiya 33:4

Ngoba iNkosi, uNkulunkulu wakoIsrayeli, ithi mayelana lezindlu zalumuzi langendlu yamakhosi akoJuda, ezidilizwe ukuba kwenziwe indawo yokuvika phambi kwamadundulu okuvimbezela laphambi kwempi:

UJeremiya 39:1

Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

UJeremiya 5:29

Kangiyikubatshaya ngalezizinto na? kutsho iNkosi. Kangiyikuphindisela esizweni esinje na?

UJeremiya 5:9

Kangiyikubatshaya ngenxa yezinto lezi na? kutsho iNkosi; kangiyikuphindisela esizweni esinje na?

UHezekhiyeli 4:2

udwebe indawo zokuwuvimbezela, lomduli wokuwuvimbezela, ledundulu; udwebe lezihonqo futhi, lezigodo zokudiliza inxa zonke.

UHezekhiyeli 5:5

INkosi uNkulunkulu ithi: Lumuzi weJerusalema ngiwumisile phakathi kwezizwe, amanye amazwe awuphahlile.

UDanyeli 11:15

Inkosi yasenyakatho ibisifika, yakhe idundulu lokuvimbezela, iwuthathe umuzi obiyelweyo. Impi yaseningizimu izakwehluleka ukulwa kanye lamabutho ayo akhethiweyo, izaswela amandla.

UZefaniya 3:1

Maye kuwo umuzi oxhwalileyo ongcolileyo, ocindezelayo!

ULukha 19:43

Ngoba uzakwehlelwa zinsuku, lapho izitha zakho zizakwakhela umthangala, zikuzingelezele, zikuvimbele inxa zonke,