UJeremiya 6:16 - iBhayibhili Elingcwele 1978

¹⁶ INkosi ithi: Manini emaqamulweni ezindlela libone, libuze ngemikhondo yasendulo ukuthi ingaphi indlela enhle, lihambe ngayo, lizuze ukuthula. Kodwa bathi: Kasiyikuhamba ngayo.

IBhayibhili Elingcwele LesiNdebele

¹⁶ UThixo, uthi: “Manini emahlanganweni emigwaqo likhangele, libuze izindledlana ezindala, libuze lapho okulendlela enhle khona, lihambe ngayo, lizathola ukuphumula kwemiphefumulo yenu. Kodwa lina lithe, ‘Kasiyikuhamba ngayo.’

UJeremiya 6:16 ပူးပေါင်းရင်းမြစ်များ

1 AmaKhosi 8:36

akuzwe wena usezulwini, uthethelele izono zenceku yakho lezabantu bakho uIsrayeli, ubafundise indlela elungileyo abangahamba ngayo, unise izulu elizweni lakho owabanika lona libe ngelabo.

2 ImiLando 19:11

UAmariya umpristi omkhulu nguye ongumphathi wenu kuzo zonke indaba zokholo; uZebediya indodana kaIshmayeli, umbusi wendlu yakoJuda, nguye oliphetheyo ezindabeni zonke zobuntu; lamaLevi azakuba zinduna zenu. Libe lesibindi ekwenzeni kwenu; iNkosi ibe ngakulabo abaqotho!

AmaHubo 116:7

Buyela ekuphumuleni kwakho, mphefumulo wami, ngoba iNkosi ikuphathe ngomusa.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

U-Isaya 28:12

eyake yatsho kubo ukuthi: Nanku ukuphumula; phumuzani abadiniweyo; nanku ukuhlumelela; kodwa kabathandanga ukuzwa.

U-Isaya 30:21

Lapho liphambukela ngakwesokunene langakwesokhohlo, indlebe zenu zizakuzwa ilizwi ngemva kwenu lisithi: Nansi indlela, hambani ngayo.

U-Isaya 46:9

khumbulani izinto zakuqala zasendulo; ngoba nginguNkulunkulu, kakho omunye; yebo, nginguNkulunkulu, kakho ofana lami,

U-Isaya 57:2

ukuba angene ekuthuleni. Labo abahamba ngobuqotho balele phansi bephumula.

U-Isaya 8:20

Yebo, abantu bazakutsho njalo; kodwa amazwi abo ayize.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 18:12

Kodwa bona bathi: Lokho kakusizi lutho. Sizalandela awethu amacebo, sonke senze ngenkani yenhliziyo zethu ezimbi.

UJeremiya 18:15

Kodwa abantu bami bangikhohliwe, batshisela onkulunkulu bamanga impepha; bakhubeka endleleni zabo, emigwaqweni yasendulo, baphambukela ezindledlaneni, kabahambanga ngemigwaqo;

UJeremiya 2:25

Ungazidinisi ngokuhambahamba ulandela abanye onkulunkulu, loba uzibulale ngomhawu. Kodwa wena wathi: Atshi, kangiyekeli, ngoba ngithandile abezizweni, ngizakubalandela.

UJeremiya 22:21

Ngakhuluma lawe uselenhlanhla, kodwa wena wathi: Kangiyikulalela. Lokho kuyindlela yakho kusukela ebutsheni bakho, ukuba ungalilaleli ilizwi lami.

UJeremiya 31:21

Zimisele izitshengiso, uzimiscle iziqondiso zendlela, uqaphelise kakhulu indlela, umgwaqo owahamba ngawo. Buya, wena ntombi Israyeli, ubuyele emizini yakini.

UJeremiya 42:3

ukuba iNkosi, uNkulunkulu wakho, isitshengise indlela esifanele ukuhamba ngayo, lalokho esifanele ukukwenza.

UJeremiya 44:16

Ilizwi olikhulume kithi ebizweni leNkosi kasiyikulilalela.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

UJeremiya 7:23

Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UJeremiya 7:3

INkosi yamabandla, uNkulunkulu wakoIsrayeli, ithi: Lungisani indlela zenu lezenzo zenu, ng’khona ngizaliyekela ukuba lihlale kulindawo.

UMalaki 4:4

Khumbulani umlayo wenceku yami uMose, izimiso lezahlulelo engamlaya ukuzinika uIsrayeli wonke eHorebe.

ULukha 16:29

Kodwa uAbrahama wathi: BaloMose labaprofethi; kabezwe bona.

UJohane 12:35

UJesu wasesithi kibo: Kuseyisikhatshana ukukhanya lilakho. Hambani liselokukhanya, ukuze umnyama ungalahluli. Ohambayo emnyameni kazi ukuthi uya ngaphi.

UJohane 13:17

Uba likwazi lokhu libusisiwe uba likwenza.

UJohane 5:39

Lihlola imibhalo, ngoba lisithi lilokuphila okungapheliyo kiyo; yiyo engifakazelayo.

Imisebenzi 17:11

LababaJuda babelungile kulalabo abaseTesalonika, ngoba balamukela ilizwi ngenhliziyo yonke, behlolisisa imibhalo insuku ngensuku ukubona ukuba zinjalo yini lezizinto.

AbaseRoma 4:12

abe nguyise futhi wabasokileyo, kungabi ngoba bengabasokileyo kuphela, kodwa ngoba bahamba endleleni yokukholwa ayelakho ubaba uAbrahama engakasoki.

UDutheronomi 32:7

Khumbulani insuku zasendulo, linakane ngeminyaka yezizukulwana ezinengi. Buzani oyihlo, bazakulilandisela, labalisa benu, bazalitshela.

AbaseKholose 2:6

Ngakhoke njengalokho limamukele uKristu Jesu iNkosi, hlalani kuye,

AmaHebheru 11:2

Abendulo bafakazelwa ngakho emibhalweni.

AmaHebheru 6:12

ukuze lingabi ngabavilaphayo, kodwa libalingise labo abathi ngokukholwa langokubekezela badla ilifa lesithembiso.

Abahluleli 2:17

Kanti kababalalelanga abahluleli babo, baphinga ngokukhonza abanye onkulunkulu, bakhothama kibo, baphambuka masinyane endleleni okhokho babo ababehamba kuyo, ababelalele imilayo yeNkosi. Bona kabayilalelanga iNkosi.