UJeremiya 6:12 - iBhayibhili Elingcwele 1978

¹² Izindlu zabo zizanikwa abanye, amasimu abo kanye labomkabo; ngoba ngizaphakamisela isandla sami kwabakhileyo elizweni, kutsho iNkosi.

IBhayibhili Elingcwele LesiNdebele

¹² Izindlu zabo zizanikwa abanye, konke lamasimu abo kanye labafazi babo, lapho ngiselula isandla sami ngimelana lalabo abahlala elizweni,” kutsho uThixo.

UJeremiya 6:12 ပူးပေါင်းရင်းမြစ်များ

1 ImiLando 21:16

UDavida waphakamisa amehlo akhe, wabona isithunywa seNkosi simi phezulu emoyeni siphethe umhedla, siwelulele phezu kweJerusalema. UDavida labadala bathi mbo ngobuso phansi begqoke izambatho zokulila.

U-Isaya 10:4

Okwenu yikuba liguqe phakathi kwabathunjiweyo, lilale phakathi kwababuleweyo. Kukho konke lokhu ukuthukuthela kwayo kakupheli, isiphakamisile isandla sayo sokutshaya futhi.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

U-Isaya 9:12

amaSiriya ngasempumalanga lamaFilistiya ngasentshonalanga ayadla uIsrayeli ngomlomo wawo. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

U-Isaya 9:17

Ngakhoke iNkosi kayiyekeli izinsizwa zabo, kayilasihawu ngezintandane labafelwakazi babo; ngoba bonke kabesabi uNkulunkulu, benza okubi, bonke baqamba amanga. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

U-Isaya 9:21

uManase udla uEfrayimi, loEfrayimi udla uManase, bobabili basukela uJuda kanyekanye. Kukho konke lokhu ukuthukuthela kwayo kakupheli, isiphakamisile isandla sayo ukutshaya futhi.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 21:5

Mina uqobo ngizakulwa lawe ngesandla esilamandla langengalo elamandla, ngilokuthukuthela lokufutheka lolaka oluvuthayo.

UJeremiya 38:22

Bonke abesifazana abasele endlini yenkosi yakoJuda bazakhutshelwa ezikhulwini zenkosi yaseBabiloni, bathi: Abangane bakho abathembekileyo bakukhohlisile, bakwahlula; kodwa lapho inyawo zakho sezitshone odakeni, bazakubalekela.

UJeremiya 38:23

Abafazi bakho bonke lamadodana akho bazakukhutshelwa kumaKaladiya, lawe kawuyikuphunyuka ezandleni zawo, kodwa uzabanjwa yinkosi yaseBabiloni, lalumuzi utshiswe ngomlilo.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

Izililo 2:8

INkosi ikhethile ukudiliza umduli weZiyone, iwulinganisile ngentambo yokulinganisa, kayiyekelanga ukudiliza; yenza ukuba kukhale umthangala lomduli, iphele amandla kanyekanye.

Izililo 3:3

Impela ingiphendulele isandla sayo, iphinde futhifuthi usuku lonke.

Izililo 5:11

Badlova abesifazana eZiyone, lezintombi emizini yakoJuda.

Izililo 5:2

Ilizwe lethu selinikwe abezizwe, lemizi yethu yanikwa abemzini.

Izililo 5:3

Sesiyizintandane, kasilabo obaba, labomama sebenjengabafel wakazi.

UHezekhiyeli 35:3

uthi kuyo: INkosi uNkulunkulu ithi: Ngimelene lawe, wena ntaba yaseSeyiri, ngizakukuphakamisela isandla sami, ngikuchithe ube yinkangala.

UHezekhiyeli 7:24

ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

UMikha 2:4

Ngalolosuku bazahlabela ingoma eyinhlekisa ngani, bakhale isililo esikhulu, bathi: Ilizwe labantu bakithi labiwe; kakho ongalibuyisa kithi; labo abasithumbileyo basithathele amasimu ethu; sichithekile impela!

UZefaniya 1:13

Impahla yabo izakuphangwa, lezindlu zabo zidilizwe. Loba besakha izindlu, kabayikuhlala kuzo, loba belima izivini, kabayikunatha iwayini lazo.

UZefaniya 1:4

Ngizaphakamisela isandla sami phezu kukaJuda laphezu kwabo bonke abakhileyo eJerusalema, ngiqede konke okuseleyo kukaBali kulindawo lebizo labapristi bezithombe,