UJeremiya 6:11 - iBhayibhili Elingcwele 1978

¹¹ Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

IBhayibhili Elingcwele LesiNdebele

¹¹ Kodwa mina ngiyafuthelana ngolaka lukaThixo, ngingeke ngibe ngisalugodla ngaphakathi. “Lwehlisele phezu kwabantwana emgwaqweni laphezu kwamajaha abuthene ndawonye, bobabili indoda lomkayo luzabehlela, kanye labadala, labo abakhulelwa yiminyaka.

UJeremiya 6:11 ပူးပေါင်းရင်းမြစ်များ

U-Isaya 40:30

Izinsizwa zizaphelelwa ngamandla zikhathale, lamajaha azakukhubeka awe;

UJeremiya 15:17

Kangihlalanga emihlanganweni yabazithokozisayo, futhi kangijabulanga; ngahlala ngedwa nje, ngoba isandla sakho sasiphezu kwami, ngoba ungigcwalise ngokuthukuthela.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

UJeremiya 5:9

Kangiyikubatshaya ngenxa yezinto lezi na? kutsho iNkosi; kangiyikuphindisela esizweni esinje na?

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UJeremiya 9:20

Yebo, zwanini ilizwi leNkosi, lina besifazana, lendlebe zenu zilamukele ilizwi layo; lifundise amadodakazi enu ukukhala, kube yilowo lalowo afundise umakhelwana wakhe ukulila.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

Izililo 1:15

INkosi yeyisile wonke amaqhawe ami phakathi kwami, yaletha impi ukubulala insizwa zami. INkosi inyathele uJuda njengasesikhamelweni sewayini.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHezekhiyeli 24:21

lathi: Tshono kuIsrayeli ukuthi iNkosi uNkulunkulu ithi: Ngizangcolisa indlu yami engcwele, eligugu lamandla enu, ethandekayo emehlweni enu, efiswa ngumoya wenu. Amadodana enu lamadodakazi enu eliwatshiyileyo azakubulawa yimpi.

UHezekhiyeli 3:14

Umoya wasengiphakamisa, wangisusa; ngahamba ngifutheka emoyeni wami, isandla seNkosi sinzima phezu kwami.

UHezekhiyeli 3:3

Yathi kimi: Ndoda, dlana lumqulu engikunika wona, ukuba usuthe. Ngasengiwudla, waba mnandi njengoluju emlonyeni wami.

UHezekhiyeli 9:6

libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.

UMikha 3:8

Kodwa mina nginikwe amandla, lokulunga lesibindi, ukuba ngimtshele uJakobe iziphambeko zakhe loIsrayeli isono sakhe.

ULukha 17:34

Ngithi kini: Ngalobobusuku kuzakuba khona ababili belele ndawonye; omunye asuswe, lomunye atshiywe.

Imisebenzi 17:16

Kwathi uPawuli esabalindele eAtene, umoya wakhe wakhathazeka phakathi kwakhe ebona umuzi ugcwele izithombe.

Imisebenzi 18:5

Kwathi sebefikile oSilasi loTimothi bevela eMakedoniya, uPawuli wakhuthalela ukutshumayela, efakaza kubaJuda ukuba uJesu unguKristu.

Imisebenzi 4:20

ngoba thina kasilakuyekela ukukhuluma ngalokho esikubonileyo lesikuzwileyo.

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.