UJeremiya 52:8 - iBhayibhili Elingcwele 1978

⁸ Impi yamaKaladiya yaxotshana layo inkosi uZedekiya; yamfica emagcekeni aseJeriko; lempi yakhe yonke yahlakazeka.

IBhayibhili Elingcwele LesiNdebele

⁸ kodwa ibutho lamaKhaladiya laxotshana lenkosi uZedekhiya layamfica emagcekeni aseJerikho. Wonke amabutho akhe ehlukana laye njalo ahlakazeka,

UJeremiya 52:8 ပူးပေါင်းရင်းမြစ်များ

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 32:4

loZedekiya inkosi yakoJuda kayiyikuphunyuka esandleni samaKaladiya, kodwa uzanikelwa impela esandleni senkosi yaseBabiloni, akhulume layo bekhangelene;

UJeremiya 34:21

LoZedekiya inkosi yakoJuda lezikhulu zakhe ngizabanikela ezandleni zezitha zabo, lezandleni zalabo abafuna ukubabulala, lesandleni sempi yenkosi yaseBabiloni esisukile kini.

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UJeremiya 37:18

UJeremiya wathi futhi kuZedekiya inkosi: Ngoneni kuwe lasezincekwini zakho lakulababantu ukuba lingifake entolongweni na?

UJeremiya 38:23

Abafazi bakho bonke lamadodana akho bazakukhutshelwa kumaKaladiya, lawe kawuyikuphunyuka ezandleni zawo, kodwa uzabanjwa yinkosi yaseBabiloni, lalumuzi utshiswe ngomlilo.

UJeremiya 39:5

Kodwa impi yamaKaladiya yaxotshana labo, yamfica uZedekiya emagcekeni aseJeriko. Isimbambile yamletha kuNebukadineza inkosi yaseBabiloni eRibila, elizweni laseHamathi, wamgweba khona.