UJeremiya 52:7 - iBhayibhili Elingcwele 1978

⁷ Basebewufohlela umuzi; wonke amadoda empi abaleka, aphuma emzini ebusuku, ngendlela yesango eliphakathi kwemiduli emibili, ngasesangweni lensimu yenkosi, lanxa amaKaladiya ayewuzingelezele umuzi. Ahamba aqonda ngaseAraba.

IBhayibhili Elingcwele LesiNdebele

⁷ Umduli wedolobho wafohlwa, ibutho lonke labaleka. Basuka edolobheni ebusuku bephuma ngesango eliphakathi kwemiduli emibili, phansi kwesivande senkosi, lanxa nje amaKhaladiya ayeligombolozele idolobho. Babaleka beqonde e-Arabha,

UJeremiya 52:7 ပူးပေါင်းရင်းမြစ်များ

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

UJeremiya 34:22

Khangelani, ngizakulaya, kutsho iNkosi, ngibabuyise kulumuzi; bazakulwa lawo, bawuthumbe, bawutshise ngomlilo, ngichithe imizi yakoJuda ibe yinkangala engelamuntu.

UJeremiya 39:2

Ngomnyaka wetshumi lanye wokubusa kukaZedekiya, ngosuku lwesificamunwemunye lwenyanga yesine, umuzi wafohlelwa.

UJeremiya 49:26

Ngakhoke insizwa zawo zizawela emagumeni awo, lawo wonke amabutho awo azabhujiswa ngalolosuku, kutsho iNkosi yamabandla.

UJeremiya 51:32

amazibuko asethethwe, lezinqaba zitshisiwe ngomlilo, amadoda empi ethukile.

UJeremiya 6:5

Sukani, silihlasele ebusuku, sidilize izindlu zalo zamakhosi.

UHezekhiyeli 12:12

Isikhulu sabo sizakwetshata umthwalo waso emnyameni, sitshungubale embotsheni sigubuzele ubuso baso, ukuze singaboni ilizwe.

UHezekhiyeli 12:4

Uzakhupha umthwalo wakho emini phambi kwabo, ube njengomthwalo womuntu othunjiweyo, usuke wena ntambama phambi kwabo, uhambe njengomuntu othunjiweyo.

UHezekhiyeli 33:21

Ngomnyaka wetshumi lambili wokuthunjwa kwethu, ngosuku lwesihlanu lwenyanga yetshumi, umuntu owayephunyukile eJerusalema wafika kimi wathi: Umuzi usuchithekile.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

ULevi 26:36

Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

uAmosi 4:3

Lizakukhutshwa ngezikhala kube yilowo lalowo ngesiqondene laye, lilahlelwe ngaphandle; kutsho iNkosi.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?