UJeremiya 52:4 - iBhayibhili Elingcwele 1978

⁴ Ngomnyaka wesificamunwemunye wokubusa kwakhe, ngosuku lwetshumi lwenyanga yetshumi, uNebukadineza inkosi yaseBabiloni wafika layo yonke impi yakhe ukulwa leJerusalema; balivimbezela, balakhela imiduli yokuvimbezela inxa zonke.

IBhayibhili Elingcwele LesiNdebele

⁴ Ngakho ngenyanga yesificamunwemunye yokubusa kukaZedekhiya, ngosuku lwetshumi lwenyanga yetshumi, uNebhukhadineza inkosi yaseBhabhiloni, waya eJerusalema lebutho lakhe lonke. Bahlala ngaphandle kwedolobho, bakha izinqaba zokulivimbezela kuzozonke inhlangothi zalo.

UJeremiya 52:4 ပူးပေါင်းရင်းမြစ်များ

U-Isaya 29:3

Wena muzi, ngizakukuhlasela inxa zonke ngempi, ngikuzingelezele ngezinqaba, ngikumisele imithangala yokuvimbezela.

UJeremiya 21:2

Ake usibuzele eNkosini, ngoba uNebukadineza inkosi yaseBabiloni uyasihlasela; mhlawumbe iNkosi ingasenzela njengazo zonke izimangaliso zayo, imenze asuke kithi.

UJeremiya 32:24

Amadundulu okuvimbezela umuzi asekhona ukuba umuzi uthathwe, langenxa yempi lendlala lomkhuhlane umuzi unikelwe ezandleni zamaKaladiya awuhlaselayo. Lokho owakutshoyo kwenzakele njengoba ubona.

UJeremiya 34:1

Ilizwi leNkosi elafika kuJeremiya, lapho uNebukadineza inkosi yaseBabiloni layo yonke impi yakhe, lemibuso yonke yomhlaba eyayibuswa nguye, labo bonke abantu bakhe, babesilwa leJerusalema layo yonke imizi yalo,

UJeremiya 39:1

Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

UJeremiya 4:17

Njengabalindi bensimu balihanqa inxa zonke, ngoba lingihlamukele, kutsho iNkosi.

UJeremiya 52:7

Basebewufohlela umuzi; wonke amadoda empi abaleka, aphuma emzini ebusuku, ngendlela yesango eliphakathi kwemiduli emibili, ngasesangweni lensimu yenkosi, lanxa amaKaladiya ayewuzingelezele umuzi. Ahamba aqonda ngaseAraba.

UHezekhiyeli 21:22

Umtshoko wokuvumisa obhalwe ukuthi iJerusalema uwele ngakwesokunene sayo; kulapho okufanele imemeze khona, ihlabe umkhosi wempi, imise izigodo zokudiliza amasango, lamadundulu okuvimbezela, yakhe lezinqaba.

UHezekhiyeli 21:27

Ukuchitheka, ukuchitheka, ngizaletha ukuchitheka emzini okungazanga kube khona ngaphambili, kuze kufike umuntu onguye okhethiweyo ukuba awuthonisise.

UHezekhiyeli 26:8

Yena uzabulala amadodakazi akho phakathi kwelizwe ngempi, akumisele umduli wokuvimbezela, akwakhele idundulu, akuphakamisele izihlangu ezinengi.

UHezekhiyeli 33:21

Ngomnyaka wetshumi lambili wokuthunjwa kwethu, ngosuku lwesihlanu lwenyanga yetshumi, umuntu owayephunyukile eJerusalema wafika kimi wathi: Umuzi usuchithekile.

UHezekhiyeli 40:1

Ngomnyaka wamatshumi amabili lanhlanu wokuthunjwa kwethu, ekuqaliseni komnyaka, ngosuku lwetshumi lwenyanga, ngomnyaka wetshumi lane emva kokuthunjwa komuzi, ngalolosuku, isandla seNkosi saba phezu kwami.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UZakhariya 8:19

INkosi yamabandla ithi: Ukuzila ukudla kwenyanga yesine, lenyanga yesihlanu, lenyanga yesikhombisa, lenyanga yetshumi, kuzakuba yizikhathi zokuthokoza lezokuthaba lezikhathi zemikhosi yokujabula koJuda. Ngakhoke thandani iqiniso lokuthula.

ULukha 19:43

Ngoba uzakwehlelwa zinsuku, lapho izitha zakho zizakwakhela umthangala, zikuzingelezele, zikuvimbele inxa zonke,

ULukha 21:20

Nxa libona iJerusalema lihanqwe yizimpi, yazini ukuthi sekusondele ukuchitheka kwalo.