UJeremiya 52:3 - iBhayibhili Elingcwele 1978

³ Ngenxa yokuthukuthela kweNkosi, izinto zenzeka eJerusalema lakoJuda yaze yabalahla phambi kwayo. UZedekiya wawuvukela umbuso waseBabiloni.

IBhayibhili Elingcwele LesiNdebele

³ Kwakungenxa yokuthukuthela kukaThixo ukuze kwenzakale konke lokhu eJerusalema lakoJuda, njalo ekucineni kwabangela ukuthi uThixo abachithe. Ngalokho uZedekhiya wayihlamukela inkosi yaseBhabhiloni.

UJeremiya 52:3 ပူးပေါင်းရင်းမြစ်များ

UGenesisi 4:14

Khangela, uyangixotsha lamhla endaweni yakithi lasebusweni bakho; ngizakuba luzulane lomhambuma emhlabeni; ongifumanayo uzakungibulala.

UGenesisi 4:16

UKayini wasesuka ebusweni beNkosi, wahlala elizweni laseNodi ngasempumalanga kwaseEdeni.

2 USamuyeli 24:1

Lwabuya lwamvuthela uIsrayeli ulaka lweNkosi, wabavusela uDavida ngokuthi: Hamba uyebala uIsrayeli loJuda.

1 AmaKhosi 10:9

Kayibongwe iNkosi uNkulunkulu wakho ekuthandileyo, yakubeka ukuba ubuse uIsrayeli. Ngoba iyamthanda uIsrayeli kokuphela, ikubekile waba yinkosi ukuze ubuse ngomthetho langokulunga.

2 AmaKhosi 17:18

Ngakho iNkosi yamthukuthelela kakhulu uIsrayeli, yabaxotsha; kakusalanga loyedwa ngaphandle kwesizwe sakoJuda kuphela.

2 AmaKhosi 17:20

INkosi yakhalala yonke inzalo yakoIsrayeli, yayihlupha, yayinikela kubaphangi, yayisusa phambi kwayo.

2 AmaKhosi 17:23

iNkosi yaze yamsusa uIsrayeli phambi kwayo njengokutsho kwayo ngazo zonke inceku zayo abaprofethi. Ngakho uIsrayeli wathunjwa elizweni lakhe, wasiwa eAsiriya kuze kube lamhla.

2 AmaKhosi 24:20

IJerusalema loJuda bayithukuthelisa kakhulu iNkosi uNkulunkulu yaze yabaxotsha phambi kwayo. UZedekiya wayivukela inkosi yaseBabiloni.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

U-Ezra 4:15

ukuze kuhlolisiswe ezingwalweni zezindaba zabokhokho bakho. Uzakubona ezingwalweni ukuba lumuzi ungumuzi ohluphayo, uyingozi emakhosini lemazweni awo, uhlala uvukela amakhosi lokhu kwasukela endulo. Yikho okwenza ukuba lumuzi uchithwe.

Izaga 28:2

Ngokona kwaso isizwe siba lababusi abanengi abalandelanayo; kodwa nxa silombusi olokuqedisisa lokwazi siyema.

UmTshumayeli 10:16

Maye kuwe, wena lizwe, onkosi yakho ingumntwana lezikhulu zakho ziba ledili ekuseni!

U-Isaya 19:4

Ngizakunikeza abaseGibithe esandleni senkosi elukhuni; inkosi elolaka izakubabusa, kutsho iNkosi yamabandla.

U-Isaya 3:1

Khangela, iNkosi uNkulunkulu wamabandla iyasusa eJerusalema lakoJuda konke okusizayo, konke ukudla lawo wonke amanzi,

U-Isaya 36:5

Uthi amazwi nje angathatha isikhundla samaqhinga lamandla okulwa na? Usuthembe bani ukuthi ungivukele na?

UJeremiya 15:1

INkosi yasisithi kimi: Loba bekumi phambi kwami oMose loSamuweli, inhliziyo yami yayingeke iphendukele kulababantu. Basuse phambi kwami, bahambe!

UJeremiya 7:15

Ngizalixotsha phambi kwami njengalokho ngaxotsha bonke abafowenu, inzalo yonke yakoEfrayimi.