UJeremiya 51:57 - iBhayibhili Elingcwele 1978

⁵⁷ Ngizadakisa izikhulu zalo lezihlakaniphi zalo, ababusi balo, lezinduna zamabutho alo, lamaqhawe alo; bazalala ubuthongo obungapheliyo, bangavuki, kutsho iNkosi, eyiNkosi yamabandla.

IBhayibhili Elingcwele LesiNdebele

⁵⁷ Ngizadakisa izikhulu lezihlakaniphi zayo, kanye lababusi bayo, lezinduna kanye lamabutho; bazalala kokuphela bangavuki futhi,” kutsho uThixo, obizo lakhe nguThixo uSomandla.

UJeremiya 51:57 ပူးပေါင်းရင်းမြစ်များ

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

UJeremiya 13:13

Ubususithi kibo: INkosi ithi: Ngizabadakisa bonke abakhileyo kulelilizwe, ngitsho amakhosi ahlala esihlalweni sobukhosi sikaDavida, labapristi, labaprofethi, kanye labo bonke abakhileyo eJerusalema.

UJeremiya 25:27

Ubususithi kibo: INkosi yamabandla, uNkulunkulu kaIsrayeli, ithi: Nathani lidakwe, lihlanze, liwe, lingaphindi livuke futhi, ngenxa yempi engiyithumela phakathi kwenu.

UJeremiya 46:18

Ngizifunga mina uqobo, kutsho iNkosi, mina engiyiNkosi yamabandla. NjengeTabori phakathi kwezintaba lanjengeKarmeli phansi kolwandle uzafika othile.

UJeremiya 48:15

Umchithi weMowabi lemizi yalo usefikile. lezinsizwa zalo ezikhethiweyo sezehlele ekubulaweni, kutsho iNkosi eyiNkosi yamabandla.

UJeremiya 50:30

Ngakhoke insizwa zalo zizakuwa emagumeni alo, lawo wonke amabutho alo azabhujiswa ngalolosuku, kutsho iNkosi.

UJeremiya 51:39

Lapho sebebukhali, ngizabenzela idili, ngibadakise baze baqaleke, balale ubuthongo obungapheliyo, bangaphindi bavuke, kutsho iNkosi.

UHezekhiyeli 20:33

Ngiyazifunga, kutsho iNkosi uNkulunkulu, impela ngizalibusa ngesandla esilamandla lengalo eqinileyo langolaka lwami;

UNahume 1:10

Njengameva abambeneyo bayaqedwa bonke, baphele njengamabibi omileyo.

UNahume 3:18

Abelusi bakho balele, nkosi yaseAsiriya, lezikhulu zakho ziyawozela. Abantu bakho bahlakazekile ezintabeni, kakho obabuthayo.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

Isambulo 18:9

Amakhosi omhlaba aphinga lalo ezikholisa lalo azakukhala alile, lapho ebona intuthu yokutsha kwalo.