UJeremiya 51:44 - iBhayibhili Elingcwele 1978

⁴⁴ Ngizamtshaya unkulunkulu uBeli eBabiloni, ngikhuphe emlonyeni wakhe lokho akuginyileyo. Izizwe kazisayikubekelela ziye kuye. Umduli waseBabiloni uwile.

IBhayibhili Elingcwele LesiNdebele

⁴⁴ Ngizamjezisa uBheli eBhabhiloni ngimenze akuhlanze lokho akuginyileyo. Izizwe kazisayikujulukela kuye. Njalo umduli weBhabhiloni uzakuwa.

UJeremiya 51:44 ပူးပေါင်းရင်းမြစ်များ

2 ImiLando 36:7

UNebukadineza wathatha ingxenye yezitsha zethempeli, wazisa eBabiloni, wazifaka esigodlweni sakhe.

UJobe 20:15

Uginya inotho, abuye ayihlanze; uNkulunkulu uyayikhupha esiswini sakhe.

U-Isaya 2:2

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; zonke izizwe zizabekelela ziye kuyo,

U-Isaya 21:9

Khangela, nampa abagadi besiza, abagadi bamabhiza ngababili. Wasesithi: Liwile, liwile iBabiloni; lazo zonke izithombe zabonkulunkulu balo zidilizelwe phansi.

U-Isaya 60:5

Ng’khonake uzakubona, ugcwale ukuthokoza, lenhliziyo yakho izakuphuphuma; ngoba inotho evela olwandle izalethwa kuwe, lenotho yezizwe izanikwa wena.

UJeremiya 50:15

Memezani kulo inxa zonke; selizinikele, inqaba zalo sezidilikile, lemiduli yalo ibhidliziwe; ngoba lokho kuyimpindiselo yeNkosi; phindiselani kulo, lenze kulo njengokwenza kwalo.

UJeremiya 50:2

Memezani phakathi kwezizwe, litshumayele; misani uphawu, litshumayele, lingakufihli, lithi: IBabiloni linqotshiwe, uBali uyangekile, loMerodaki uchithiwe. Izithombe zalo ziyangisiwe, lemifanekiso yalo emibi ichithekile.

UJeremiya 51:18

Ziyize nje, zingumsebenzi wenkohliso, ngesikhathi sokutshaywa kwazo zizabhubha.

UJeremiya 51:34

UNebukadineza inkosi yaseBabiloni usidlile, usiqedile; wasenza saba yimbiza engelalutho, wasiginya njengomgobho, usuthi ngokumnandi kwethu, wasitsaka.

UJeremiya 51:47

Ngalokhoke insuku ziyeza, lapho ngizatshaya izithombe zeBabiloni; ilizwe lonke lalo lizayangeka, bonke ababuleweyo balo bawele phakathi kwalo.

UJeremiya 51:53

Loba iBabiloni lingaphakamela ezulwini, loba lingaqinisa amadundulu alo aqinileyo, kodwa abachithi balo bazalifikela bevela kimi, kutsho iNkosi.

UJeremiya 51:58

INkosi yamabandla ithi: Umduli obanzi waseBabiloni uzabhidlizwa, lamasango alo aphakemeyo atshiswe ngomlilo. Abantu basebenzela ize, lomsebenzi wezizwe uphelela emlilweni.

UDanyeli 1:2

INkosi uNkulunkulu yanikela uJehoyakimi inkosi yakoJuda esandleni sakhe, lengxenye yezitsha zendlu kaNkulunkulu. UNebukadineza wazisa elizweni laseShinari, endlini kankulunkulu wakhe, wazibeka endlini yenotho.

UDanyeli 3:29

Ngakhoke sengisenza isimemezelo esithi: Abantu lezizwe lezindimi ezikhuluma kubi ngoNkulunkulu kaShadraki loMeshaki loAbedinego bazaqunywaqunywa izitho, kudilizwe lemizi yabo. Ngoba kakukho omunye unkulunkulu olamandla okukhulula ngalindlela.

UDanyeli 4:1

Inkosi uNebukadineza wathi kubo bonke abantu lezizwe lezindimi ezisemhlabeni wonke: Ukuthula kakwande phakathi kwenu!

UDanyeli 4:22

singuwe, wena nkosi, osukhulile waqina. Ubukhulu bakho sebukhulile, bafinyelela phezulu, lokubusa kwakho kwafinyelela ekucineni komhlaba.

UDanyeli 5:19

Ngenxa yobukhulu amnika bona bonke abantu bezizwe lezindimi bathuthumela besaba phambi kwakhe; wambulala ayethanda ukumbulala, wamyekela ayethanda ukuba aphile, wamphakamisa ayethanda ukumphakamisa, wamehlisa ayethanda ukumehlisa.

UDanyeli 5:26

Nansi incazelo yendaba; Mene, kutsho ukuthi uNkulunkulu uzibalile insuku zombuso wakho, uwuqedile.

UDanyeli 5:31

UDariyu umMede wathatha umbuso eleminyaka engamatshumi ayisithupha lambili.