UJeremiya 51:41 - iBhayibhili Elingcwele 1978

⁴¹ Yeka ukubanjwa kweBabiloni elidumileyo emhlabeni wonke! Yeka iBabiloni eseliphenduke laba yinto eyesabekayo phakathi kwezizwe!

IBhayibhili Elingcwele LesiNdebele

⁴¹ Yeka ukuthunjwa okuzakwenziwa iSheshaki, ukuzincoma komhlaba wonke kuthunjiwe! Yeka ukutshaqisa iBhabhiloni ezakuba yikho phakathi kwezizwe!

UJeremiya 51:41 ပူးပေါင်းရင်းမြစ်များ

2 ImiLando 7:21

Lindlu edumileyo wonke umuntu odlulayo amangale ngayo athi: INkosi ikwenzeleni okunje kulelilizwe lakulindlu na?

U-Isaya 13:19

IBabiloni, udumo lwemibuso ubucwazicwazi lokuziqhenya kwamaKaladiya, lizakuchithwa nguNkulunkulu njengeSodoma leGomora.

U-Isaya 14:4

lizakutsho lelilizwi lokukloloda ngenkosi yaseBabiloni lithi: Yeka ukuphela komcindezeli! Yeka ukuphela kokuzikhukhumeza kwakhe!

UJeremiya 25:26

lawo wonke amakhosi asenyakatho akhatshana laseduze ngokulandelana, lemibuso yonke yomhlaba ekhona emhlabeni. Ngemva kwabo inkosi yaseBabiloni izakunatha.

UJeremiya 49:25

Yeka ukutshiywa komuzi olodumo, umuzi olokuthokoza!

UJeremiya 50:23

Yeka ukufa lokwephuka kwesando somhlaba wonke! Yeka ukwenziwa kweBabiloni into eyesabekayo phakathi kwezizwe!

UJeremiya 50:46

Ngomsindo wokuthunjwa kweBabiloni umhlaba uzathuthumela, lelizwi lokukhala kwalo lizakuzwakala phakathi kwezizwe.

UJeremiya 51:37

IBabiloni lizakuba lunxiwa oludilikileyo, lendawo yamakhanka, into eyesabekayo leyokuncifelwa, kungabi khona ohlala khona.

UHezekhiyeli 27:35

Bonke abakhileyo emazweni angasolwandle bayamangala ngawe, lamakhosi abo ayesaba kakhulu, lobuso bawo bunyukumele.

UDanyeli 2:38

okunikelwe esandleni sakho endaweni zonke abantu lenyamazana zeganga lenyoni zaphezulu, wenziwa waba ngumbusi wazo zonke; wena ulikhanda elenziwe ngegolide.

UDanyeli 4:22

singuwe, wena nkosi, osukhulile waqina. Ubukhulu bakho sebukhulile, bafinyelela phezulu, lokubusa kwakho kwafinyelela ekucineni komhlaba.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.