UJeremiya 51:3 - iBhayibhili Elingcwele 1978

³ Otshokayo kangawutshoki umtshoko wakhe, kungasukumi muntu ogqoke ibhatshi lakhe lensimbi. Lingaziyekeli insizwa zalo, liyiqede nya impi yalo yonke.

IBhayibhili Elingcwele LesiNdebele

³ Lingavumeli mtshoki ebopha idandili lakhe loba limyekele egqoka isigqoko sakhe sensimbi. Lingazitshiyi izinsizwa zayo, liliqede du ibutho layo.

UJeremiya 51:3 ပူးပေါင်းရင်းမြစ်များ

AmaHubo 137:9

Ubusisiwe yena ozakubamba abantwana bakho abasakaze edwaleni.

UJeremiya 46:4

Bophelani amabhiza, ligade lina bagadi bamabhiza. Lisuke lime, lithwele ingowane zenu, lilole imikhonto yenu, ligqoke amabhatshi enu ensimbi.

UJeremiya 50:14

Zihleleleni iBabiloni inxa zonke, lina lonke eligobisa amadandili, lilitshoke, lingatshiyi mtshoko, ngoba lonile eNkosini.

UJeremiya 50:21

Hambani liye elizweni laseMerathayimi lilwe lalo, lilwe labakhileyo ePekodi, libabulale, libaqede nya, kutsho iNkosi, lenze konke engililayele khona.

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJeremiya 51:53

Loba iBabiloni lingaphakamela ezulwini, loba lingaqinisa amadundulu alo aqinileyo, kodwa abachithi balo bazalifikela bevela kimi, kutsho iNkosi.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.