UJeremiya 51:22 - iBhayibhili Elingcwele 1978

²² ngiphahlaze ngawe amadoda labesifazana, amaxhegu labatsha, insizwa lezintombi,

IBhayibhili Elingcwele LesiNdebele

²² ngawe ngihlifiza indoda lomfazi, ngawe ngihlifiza amaxhegu labatsha, ngawe ngihlifiza izinsizwa lezintombi,

UJeremiya 51:22 ပူးပေါင်းရင်းမြစ်များ

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

U-Isaya 13:15

Bonke abazafunyanwa bazagwazwa, bonke abazabanjwa bazakubulawa ngomkhonto.

U-Isaya 13:16

Izingane zabo zizachotshozwa phambi kwabo, kuphangwe lezindlu zabo, omkabo babanjwe.

U-Isaya 13:18

Imitshoko yawo izabulala izinsizwa; kawayikuba lesihawu lenzalo yabantu, kawayikuhawukela abantwana.

U-Isaya 20:4

ngokunjaloke inkosi yaseAsiriya izakubathumba abaseGibithe labaseEtiyopiya, abatsha labadala, bahambeze bengafakanga amanyathelo, lezibunu zabo zisegcekeni, kube lihlazo eGibithe.

UJeremiya 44:7

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Likwenzelani phezu kwenu lokhu okubi kangaka, ukuba libhubhise indoda lomfazi, usane lomntwana, baphele koJuda, kungasali muntu na?

UJeremiya 50:37

Kawufike umkhonto phezu kwamabhiza laphezu kwenqola zalo zokulwa, laphezu kwawo wonke amabutho awezizwe aphakathi kwalo, ukuze baphenduke babe ngabesifazana; umkhonto ufike phezu kwenotho yalo, ukuba iphangwe.

UJeremiya 51:23

ngiphahlaze ngawe umalusi lomhlambi wakhe, umlimi lenkabi zakhe, ababusi lezinduna zempi.

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHezekhiyeli 9:6

libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

1 USamuyeli 15:3

Hambake uyehlasela amaAmaleki, uqede konke alakho; ungabi lasihawu, kodwa ubulale abesilisa labesifazana, izingane lensane ezimunyayo, inkomo lezimvu, amakamela labobabhemi.