UJeremiya 51:13 - iBhayibhili Elingcwele 1978

¹³ Wena muzi ohlala ngasemanzini amanengi, olenotho enengi, ukuphela kwakho sekufikile, kuqunyiwe ukuphila kwakho.

IBhayibhili Elingcwele LesiNdebele

¹³ Lina elihlala ngasemanzini amanengi, njalo lilenotho enengi, isiphetho senu sesifikile, isikhathi senu sokuqunywa.

UJeremiya 51:13 ပူးပေါင်းရင်းမြစ်များ

UGenesisi 6:13

UNkulunkulu wasesithi kuNowa: Sengizimisele ukuqeda abantu bonke, ngoba umhlaba ugcwele okubi ngenxa yabo; khangela, ngizabachitha kanye lomhlaba.

AmaHubo 137:1

Ngasemifuleni yaseBabiloni sahlala phansi sakhala, lapho sikhumbula iZiyone.

U-Isaya 43:14

INkosi, uMhlengi wenu, oNgcwele kaIsrayeli, ithi: Ngenxa yenu ngizathumela impi eBabiloni, ngaphule yonke imigoqo yamasango omuzi, kuthi ukuthokoza kwamaKaladiya kuphenduke kube yisililo.

U-Isaya 45:3

Ngizakukunika inotho efihliweyo emnyameni, lenotho ethukuziweyo ezindaweni ezisithekileyo, ukuze wazi ukuba mina Nkosi, uNkulunkulu kaIsrayeli, ngikubize ngebizo lakho.

U-Isaya 57:17

Ngenxa yobubi bukaIsrayeli obukhulu ngathukuthela, ngamtshaya ekuthukutheleni kwami, ngamlahla; kodwa kwaqhubeka ukuhlamuka kwakhe.

UJeremiya 17:11

Njengenkwali efukamela amatsiyane engawazalanga, kunjaloke lowomuntu ozuze inotho ngokungalungi; phakathi kwensuku zakhe izamtshiya, abe yisithutha ekucineni.

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJeremiya 50:31

Khangela, ngilwa lawe, wena ozikhukhumezayo, kutsho iNkosi, uNkulunkulu wamabandla; ngoba usuku lwakho selufikile, isikhathi sokutshaywa kwakho.

UJeremiya 50:37

Kawufike umkhonto phezu kwamabhiza laphezu kwenqola zalo zokulwa, laphezu kwawo wonke amabutho awezizwe aphakathi kwalo, ukuze baphenduke babe ngabesifazana; umkhonto ufike phezu kwenotho yalo, ukuba iphangwe.

UJeremiya 51:36

Ngakhoke iNkosi ithi: Ngizayimela indaba yenu, ngiliphindisele; ngizakomisa ulwandle lwalo, ngomise lomthombo walo.

Izililo 4:18

Abantu basizingela ukuze singahambi endleleni zethu. Ukuphela kwethu kwasondela, lensuku zethu zaphela, ngoba ukuphela kwethu kwasekufikile.

UDanyeli 5:26

Nansi incazelo yendaba; Mene, kutsho ukuthi uNkulunkulu uzibalile insuku zombuso wakho, uwuqedile.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

Isambulo 17:1

Kwasekusiza kimi esinye isithunywa sezithunywa eziyisikhombisa ezazilemiganu eyisikhombisa, sathi kimi: Woza lapha, ngikutshengise ukuthonisiswa kwesiphingi esikhulu esihlezi phezu kwamanzi amanengi,

Isambulo 17:15

Sasesisithi kimi: Amanzi owabonileyo, lapho sihlezi khona isiphingi, angabantu lamaxuku lezizwe lezindimi.

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.