UJeremiya 50:9 - iBhayibhili Elingcwele 1978

⁹ Ngoba ngivusela iBabiloni ixuku lezizwe ezinkulu; zizavela enyakatho, zehlele ngakulo, zilithathe khona. Imitshoko yazo injengeqhawe elihlakaniphileyo elingabuyi lingelalutho.

IBhayibhili Elingcwele LesiNdebele

⁹ Ngoba iBhabhiloni ngizayivusela umanyano lwezizwe ezinkulu ezivela elizweni lasenyakatho. Bazaviva ezindaweni zabo bamelane layo. Njalo izathunjwa kuvelelwa enyakatho. Imitshoko yabo izakuba njengamabutho alolwazi angaphenduki engelalutho.

UJeremiya 50:9 ပူးပေါင်းရင်းမြစ်များ

2 USamuyeli 1:22

Egazini lababuleweyo lasemahwahweni amaqhawe umtshoko kaJonathani kawuphuthanga, lomkhonto kaSawuli kawubuyelanga uze.

Ingoma 3:8

wonke ehlomile ngemikhonto ezingwazi zempi, elungele ukuhlatshwa komkhosi ebusuku.

U-Isaya 21:2

Ngiboniswe umbono olukhuni; umphangi uyaphanga, lomchithi uyachitha. Suka wena Elamu; uvimbezele, lawe Mede; konke ukuhlupheka okwalethwa yiBabiloni uNkulunkulu uzakukuqeda.

U-Isaya 41:25

Ukhona engimvusileyo ngasenyakatho, njalo usefikile; ngimvusile ngasempumalanga, uzabiza ibizo lami; uzanyathela izikhulu njengodaka, lanjengombumbi evoxa ibumba.

UJeremiya 15:14

Ngizakukwenza ukuba usebenzele zonke izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 25:14

Ngoba izizwe ezinengi lamakhosi amakhulu zizakubenza babe yizigqili; ngizaphindisela kibo njengokufanele izenzo zabo lemisebenzi yabo.

UJeremiya 25:26

lawo wonke amakhosi asenyakatho akhatshana laseduze ngokulandelana, lemibuso yonke yomhlaba ekhona emhlabeni. Ngemva kwabo inkosi yaseBabiloni izakunatha.

UJeremiya 50:14

Zihleleleni iBabiloni inxa zonke, lina lonke eligobisa amadandili, lilitshoke, lingatshiyi mtshoko, ngoba lonile eNkosini.

UJeremiya 50:21

Hambani liye elizweni laseMerathayimi lilwe lalo, lilwe labakhileyo ePekodi, libabulale, libaqede nya, kutsho iNkosi, lenze konke engililayele khona.

UJeremiya 50:26

Lifikeleni, livela inxa zonke, livule iziphala zalo, lilibuthelele njengenqumbi yamabele, liliqede nya, kungasali lutho kulo.

UJeremiya 50:29

Bizani abaphatha imitshoko, balwe leBabiloni bonke abakwazi ukutshoka; lihanqeni inxa zonke, kungabi khona ophunyukayo, liliphindisele njengezenzo zalo, lenze kulo njengakho konke elikwenzileyo; ngoba liyidelele iNkosi, oNgcwele kaIsrayeli.

UJeremiya 50:3

Ngoba kuzile kulo isizwe esivela enyakatho, esizachitha ilizwe lalo, abantu lenyamazana kuzabaleka, kungabi khona ohlala kulo.

UJeremiya 51:11

Lolani imitshoko, lithathe izihlangu. INkosi ivusile umoya wamakhosi amaMede, ngoba ilecebo lokulichitha iBabiloni, ngoba lokho kuyimpindiselo yeNkosi, impindiselo yethempeli layo.