UJeremiya 50:4 - iBhayibhili Elingcwele 1978

⁴ Ngalezonsuku langalesosikhathi, kutsho iNkosi, abantu bakoIsrayeli labantu bakoJuda bazabuthana ndawonye, bazahamba bekhala, bedinga iNkosi uNkulunkulu wabo.

IBhayibhili Elingcwele LesiNdebele

⁴ Ngalezonsuku, ngalesosikhathi, abantu bako-Israyeli ndawonye labantu bakoJuda bazahamba bekhala bedinga uThixo uNkulunkulu wabo.

UJeremiya 50:4 ပူးပေါင်းရင်းမြစ်များ

2 ImiLando 7:14

uba abantu bami ababizwa ngebizo lami bezithoba, bakhuleke bengidinga, betshiya indlela zabo ezimbi, mina ngizakuzwa ngisezulwini, ngithethelele izono zabo, ngikhulule ilizwe labo.

AmaHubo 105:4

Funani iNkosi, amandla ayo, liyidinge yona njalonjalo.

U-Isaya 14:1

INkosi izakumhawukela uJakobe, ibuye imkhethe futhi uIsrayeli, ibabeke elizweni lakibo; labezizwe bazahlangana labo, bahlale labo.

U-Isaya 45:19

Kangikhulumelanga ekusithekeni elizweni lomnyama, kangitshongo kuyo inzalo kaJakobe ukuthi: Ngidingani ezeni. Mina Nkosi ngikhuluma iqiniso, ngitsho okuqotho.

U-Isaya 55:6

Dingani iNkosi iselokufunyanwa, likhuleke kuyo iseseduze;

U-Isaya 63:4

Ngoba ngizimisele ukwenza usuku lokuphindisela, lomnyaka wokuhlenga abantu bami usufikile.

UJeremiya 31:31

Khangela, insuku ziyeza, kutsho iNkosi, lapho ngizakwenza isivumelwano esitsha lendlu kaIsrayeli lendlu kaJuda,

UJeremiya 33:15

Ngalezonsuku langalesosikhathi ngizahlumisela uDavida uGatsha olulungileyo, oluzakwenza ukulunga lobuqotho elizweni.

UJeremiya 41:6

UIshmayeli indodana kaNethaniya wasuka eMizipa ukuwahlangabeza, ehamba ekhala. Kwathi lapho ehlangana lawo, wathi kuwo: Wozani kuGedaliya indodana kaAhikamu.

UHezekhiyeli 16:61

Ng’khona uzakhumbula indlela zakho, ube lenhloni lapho sengithatha odadewenu, omdala kanye lomncinyane, ngikunike babe ngamadodakazi akho, kodwa kungabi ngenxa yesivumelwano sami lawe.

UHezekhiyeli 39:25

Ngalokhoke iNkosi uNkulunkulu ithi: Sengizabuyisa abantu bakaJakobe, ngibe lesihawu kuye wonke uIsrayeli, ngibe lomona langebizo lami elingcwele.

UHosiya 1:11

AbakoJuda labakoIsrayeli bazabuthana ndawonye, bazikhethele umkhokheli abe munye, bagcwale baze beqe imingcele yelizwe, ngoba luzakuba lukhulu usuku lwaseJezereli.

UHosiya 11:10

Bazayilandela iNkosi ezabhonga njengesilwane; yebo, izabhonga, lamadodana ayo azavela entshonalanga ngokuphangisa.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

UJakhobe 4:9

Danani, lilile, likhale. Ukuhleka kwenu kakuphendulwe ukulila, lokuthokoza kwenu kuphendulwe ukudana.