UJeremiya 50:3 - iBhayibhili Elingcwele 1978

³ Ngoba kuzile kulo isizwe esivela enyakatho, esizachitha ilizwe lalo, abantu lenyamazana kuzabaleka, kungabi khona ohlala kulo.

IBhayibhili Elingcwele LesiNdebele

³ Isizwe esivela enyakatho sizayihlasela sitshabalalise ilizwe layo. Kakho ozahlala kuyo; abantu lezinyamazana kuzasuka kubaleke.

UJeremiya 50:3 ပူးပေါင်းရင်းမြစ်များ

UGenesisi 6:7

INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile.

U-Eksodasi 12:12

Ngoba ngalobobusuku ngizadabula phakathi kwelizwe laseGibithe, ngibulale wonke amazibulo aselizweni lelo, awabantu lawezinkomo, ngahlulele bonke onkulunkulu baseGibithe. NgiyiNkosi.

U-Isaya 41:25

Ukhona engimvusileyo ngasenyakatho, njalo usefikile; ngimvusile ngasempumalanga, uzabiza ibizo lami; uzanyathela izikhulu njengodaka, lanjengombumbi evoxa ibumba.

U-Isaya 45:1

INkosi itsho kogcotshiweyo wayo uKurosi, embambe ngesandla sakhe sokunene ukuba inqobe izizwe phambi kwakhe, ithathele amakhosi amandla, ivule iminyango phambi kwakhe, ukuze amasango angabe asavalwa,

UJeremiya 21:6

Ngizatshaya abakhileyo balumuzi, abantu lezifuyo; bazabulawa ngumkhuhlane onzima.

UJeremiya 50:9

Ngoba ngivusela iBabiloni ixuku lezizwe ezinkulu; zizavela enyakatho, zehlele ngakulo, zilithathe khona. Imitshoko yazo injengeqhawe elihlakaniphileyo elingabuyi lingelalutho.

UJeremiya 51:11

Lolani imitshoko, lithathe izihlangu. INkosi ivusile umoya wamakhosi amaMede, ngoba ilecebo lokulichitha iBabiloni, ngoba lokho kuyimpindiselo yeNkosi, impindiselo yethempeli layo.

UJeremiya 51:48

Kuthike izulu lomhlaba, lakho konke okukukho, kuhlabele ngokuthokoza ngeBabiloni, ngoba abachithi bazalifikela bevela enyakatho, kutsho iNkosi.

UJeremiya 51:62

uthi: Wena Nkosi, ukhulumile ngalindawo ukuthi uzayichitha, ukuze kungabi khona okuhlala kiyo, umuntu loba inyamazana, ibe yinkangala kuze kube nininini.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.