UJeremiya 5:7 - iBhayibhili Elingcwele 1978

⁷ Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

IBhayibhili Elingcwele LesiNdebele

⁷ “Ngingalithethelela ngenxa yani na? Abantwana benu bangidelile, bafunga ngabonkulunkulu abangasibonkulunkulu, ngabanika konke abakuswelayo, kodwa bona bafeba baminyana ezindlini zezifebe.

UJeremiya 5:7 ပူးပေါင်းရင်းမြစ်များ

2 ImiLando 13:9

Kalibaxotshanga yini abapristi beNkosi uNkulunkulu, amadodana kaAroni, kanye lamaLevi, lazenzela abapristi benu njengabantu bamanye amazwe na? Lowo ofika elenkunzi ingabe inqama eziyisikhombisa ukuba ahlukaniselwe iNkosi wenziwa umpristi wokungesuye unkulunkulu.

UJobe 31:12

kungaba ngumlilo otshisa uqothule amabele ami.

AmaHubo 50:18

Lapho ubona isela uvumelana lalo, uhlangana kanye lezifebe.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 13:27

Ngibonile amanyala akho, lobufebe bakho, lokuthokoza kwakho ngakho, lendlela zokuphinga kwakho phezu kwezintaba egangeni. Maye kuwe, wena Jerusalema! Koze kube nini ungakahlambuluki na?

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 16:20

Kambe umuntu angazenzela onkulunkulu na? Labo kabayisibo onkulunkulu.

UJeremiya 2:11

Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.

UJeremiya 2:31

Wena sizukulwana, lalela ilizwi leNkosi. Benginjengenkangala kuIsrayeli, lelizwe elilomnyama omkhulu na? Phoke, batsholoni abantu bami ukuthi: Sesikhululekile, kasisayikuza kuwe futhi?

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

UJeremiya 3:8

Wabona ukuthi ngenxa yobufebe bonke bukaIsrayeli ongathembekanga, ngamxotsha ngamnika lencwadi yesahlukaniso; kodwa udadewabo ongathembekanga uJuda kesabanga, laye wasuka wafeba.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:2

Kungathi ngabe ngilendawo yokuhlala enkangala, ukuba ngisuke ebantwini bami, ngibatshiye; ngoba bonke bayizifebe, balixuku labantu abakhohlisayo.

Izililo 3:42

Sithi: Siphambukile, sakuhlamuka, wena kawuthethelelanga.

UHezekhiyeli 22:11

Omunye wenza amanyala lomfazi womakhelwana wakhe, lomunye awule lomalokazana wakhe, omunye angcolise udadewabo, indodakazi kayise.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UHosiya 7:4

Bayizifebe bonke, banjengeziko elitshisayo, elingakhwezelwa ngumphekizinkwa, kusukela esikhathini sokuxova inhlama kuze kube sekubileni kwayo.

ULevi 20:10

Uba umuntu efeba lomkamakhelwana, bobabili abafebayo kababulawe.

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

1 AbaseKhorinte 8:4

Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.

AbaseGalathiya 4:8

Ngalesosikhathi lingakamazi uNkulunkulu, laliyizigqili ngaphansi kwalabo abangesibo onkulunkulu ngemvelo;

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

UDutheronomi 32:21

Bavusile umona wami ngalokho okungesuye unkulunkulu; bangithukuthelisile ngezinto zabo eziyize. Ngakhoke ngizavusa umona wabo ngabangesibo abantu, ngibathukuthelise ngesizwe esiyisithutha.

AmaHebheru 13:4

Ukuthathana kakuhlonitshwe yibo bonke, kuhlonitshwe lesifungo somthimba, ngoba uNkulunkulu uzakuzithonisisa iziphingi lezifebe.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

UJoshuwa 23:7

ukuze lingahlangani lezizwe eziseleyo phakathi kwenu, lingabaphathi ngamabizo onkulunkulu bazo, lingafungi ngabo, lingabakhonzi, lingakhothami phambi kwabo,