UJeremiya 5:6 - iBhayibhili Elingcwele 1978

⁶ Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

IBhayibhili Elingcwele LesiNdebele

⁶ Ngakho isilwane esivela ehlathini sizabahlasela, lempisi evela enkangala ibadlwengule, ingwe izabacathamela eduze lamadolobho abo ukudabudabula loba ngubani ophumayo, ngoba iziphambeko zabo zinkulu, lokuhlehlela kwabo emuva kunengi.

UJeremiya 5:6 ပူးပေါင်းရင်းမြစ်များ

2 ImiLando 36:14

Zonke inhloko zakoJuda labapristi kanye labantu labo babonile kakhulu, balandela amanyala wonke ezizwe, balingcolisa ithempeli eyayizahlukanisele lona eJerusalema.

U-Ezra 10:10

UEzra umpristi wasukuma wathi kibo: Lonile ngokuthatha abafazi bezizweni, landisa ukona kukaIsrayeli.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

UJobe 10:16

Loba ngiziphakamisa mina, uzangizingela njengesilwane, ubuye wenze okumangalisayo kimi.

AmaHubo 104:20

Wenza umnyama ube yibusuku, phakathi kwabo kuphume zonke inyamazana zehlathi;

AmaHubo 80:13

Ingulube yasehlathini iyalihlikiza, lakho konke okuhlala egangeni kuyalidla.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

U-Isaya 59:12

Ngoba sonile kuwe kanenginengi, lezono zethu zifakaze ngathi; ngoba siyazikhumbula zonke iziphambeko zethu, lobubi bethu siyabazi;

UJeremiya 14:7

Loba izono zethu zisilahla, sebenza, wena Nkosi, ngenxa yebizo lakho; ngoba sihlamukile kanengi, sonile kuwe.

UJeremiya 2:15

Izilwane sezimbhongele, zakhonya kakhulu. Zenza ilizwe lakhe laba yinkangala, lemizi yakhe ingamanxiwa, kayiselamuntu.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 2:31

Wena sizukulwana, lalela ilizwi leNkosi. Benginjengenkangala kuIsrayeli, lelizwe elilomnyama omkhulu na? Phoke, batsholoni abantu bami ukuthi: Sesikhululekile, kasisayikuza kuwe futhi?

UJeremiya 25:38

Iphumile esikhundleni sayo njengesilwane, ngoba ilizwe labo seliyikangala ngenxa yabachithi, langenxa yolaka lwayo oluvuthayo.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

UJeremiya 30:15

Ukhalelani ngokulimala kwakho na? Ubuhlungu bakho kabelapheki. Ngoba ukona kwakho kukhulu, lezono zakho zandile. Ngikwenzile lokhu kuwe.

UJeremiya 30:24

Ulaka oluvuthayo lweNkosi kaluyikudeda, ize iphelelise izifiso zenhliziyo yayo. Ensukwini zokuphela lizakukuqedisisa lokhu.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 49:19

Njengesilwane esiphuma ehlathini leJordani sisiya emadlelweni, ngizabajuma, ngibaxotshe basuke kulo, ngilibekele lowo engimkhethileyo. Ngoba ngubani ofanana lami na? Ngubani ozangibiza na? Nguwuphi umalusi ongema phambi kwami na?

UJeremiya 8:5

Phoke, baphambukeleni lababantu, bahlamuke kokuphela na? Baqinela enkohlisweni, bayala ukuphenduka.

UJeremiya 8:7

Ingabuzane phezulu liyasazi isikhathi salo sokuthutha; lejuba lenkonjane lehemu kuyasazi isikhathi sokubuya kwakho; kodwa abantu bami kabazazi izimiso zeNkosi.

Izililo 1:5

Izitha zalo sezilibusa, ziyaphumelela, ngoba iNkosi ilenze lahlupheka ngenxa yobunengi beziphambeko zalo. Abantwana balo bathunjiwe yizitha.

UHezekhiyeli 16:25

emahlanganweni endlela zonke wazakhela indawo ephakemeyo, wangcolisa ubuhle bakho uzinikela kibo bonke abadlulayo, usandisa ukuwula kwakho.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 23:19

Kodwa wandisa ukuwula kwakhe, wakhumbula insuku zobutsha bakhe ezokuwula kwakhe elizweni laseGibithe,

UDanyeli 7:4

Esokuqala sasifana lesilwane, silempiko zenkozi. Kwathi lapho ngisakhangele, impiko zaso zephulwa, saphakanyiswa emhlabathini, samiswa ngenyawo ezimbili njengomuntu, sanikwa ingqondo yomuntu.

UDanyeli 7:6

Emva kwalokho ngakhangela, ngabona esinye esifana lengwe, silempiko ezine zenyoni emhlana waso, silamakhanda amane, sanikwa amandla okubusa.

UHosiya 5:14

Ngizakuba njengesilwane koEfrayimi, ngibe njengesilwane koJuda. Mina, uqobo lwami, ngizakubadabudabula, besengihamba, ngibathwale njengempango yami, kungabi khona ongamukayo.

UHabhakhukhi 1:8

Amabhiza aso alejubane kulezingwe, ayesabeka kulempisi ehamba kusihlwa; abagadi bamabhiza aso baqhubekela phambili, bevela elizweni elikhatshana, bandize njengokhozi oluphuthuma ukudla.

UZefaniya 3:3

Izikhulu zawo zinjengezilwane ezibhongayo; labahluleli bawo banjengezimpisi eziyizihwaba ezingatshiyi lutho kuze kuse.

AmaNani 32:14

Khangelani, selilingisa oyihlo, ngoba liyinzalo yabantu abonayo, liyavusa futhi intukuthelo yeNkosi evuthela uIsrayeli.

Isambulo 13:2

Isilo engasibonayo sasinjengengwe, inyawo zaso zazinjengezebhere, lomlomo waso unjengowesilwane. Umgobho wasinika amandla awo lesihlalo sawo sobukhosi lokubusa okukhulu.