UJeremiya 5:24 - iBhayibhili Elingcwele 1978

²⁴ Kabatsho enhliziyweni zabo ukuthi: Asiyesabe iNkosi uNkulunkulu wethu, esinika izulu ngesikhathi salo, ehlobo lasentwasa, isimisele amaviki akhethelwe isivuno.

IBhayibhili Elingcwele LesiNdebele

²⁴ Kabatsho ezinhliziyweni zabo ukuthi, ‘Kasimesabeni uThixo uNkulunkulu wethu, onisa izulu ngesikhathi salo ekwindla lentwasa, osithembisa amaviki amiselwe ukuvuna.’

UJeremiya 5:24 ပူးပေါင်းရင်းမြစ်များ

AmaHubo 147:8

Iyasibekela amazulu ngamayezi, ilungisele umhlaba izulu, ikhulise utshani emaqaqeni,

UJoweli 2:23

Thabani, lina beZiyone, lithokoze ngeNkosi, uNkulunkulu wenu; ngoba ilinikile izulu lensewula ukuba ilibusise, yalinisela izulu elinengi, lensewula lelamuva njengakuqala.

UGenesisi 8:22

Lapho umhlaba usekhona kakuyikuphela ukuhlanyela lokuvuna, amakhaza lokufudumala, ihlobo lobusika, imini lobusuku.

Imisebenzi 14:17

Kodwa kayekelanga ukuzifakazela ngokwenza okuhle, walinika izulu livela ezulwini lezikhathi zenala, esuthisa inhliziyo zenu ngokudla langokujabula.

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

UJeremiya 14:22

Kambe bakhona yini phakathi konkulunkulu bamanga bezizwe abanganisa izulu? Kumbe iphezulu lona lingehlisa izihlambo na? Atshi! angithi nguwe kuphela, Nkosi, Nkulunkulu wethu? Thina sithembela kuwe, ngoba nguwe ozenzayo zonke lezizinto.

Isambulo 11:6

Balamandla laba okuvala izulu ukuba lingani ngezinsuku zokutshumayela kwabo; futhi balamandla phezu kwamanzi okuba bawaphendule abe ligazi lawokwehlisela umhlaba izifo zonke ngokuthanda kwabo.

UJakhobe 5:7

Bazalwane, bekezelani ize ifike iNkosi. Khangelani, umlimi uyalindela isithelo somhlabathi esiligugu, asibekezelele, size sizuze izulu elokuqala lelokucina.

UZakhariya 10:1

Celani eNkosini izulu ngesikhathi sentwasa, eNkosini eyenza amayezi eziphepha, enika abantu izihlambo zezulu, enika bonke utshani egangeni.

uAmosi 4:7

Futhi ngalincitsha izulu kusasele inyanga ezintathu ukuba kuvunwe; ngalinisa komunye umuzi, kangaze ngalinisa komunye, esinye isiqinti sanethwa, kwathi leso esinganethwanga satsha.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

UJobe 38:37

Ngubani ongabuthanisa amayezi ezulu, athulule imithombo yasezulwini,

1 AmaKhosi 17:1

UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.

UDutheronomi 28:12

INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UJobe 5:10

Yena unisa izulu emhlabeni, athumele amanzi emasimini,

AmaHubo 65:9

Uyahambela umhlaba uwunethise ngezulu, uwuvundise kakhulu; imifula kaNkulunkulu igcwele amanzi; uyabalungisela abantu ukudla. Uwulungisa ngokunjalo umhlaba,

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

UJobe 29:23

Bangilindela njengezulu, bakhamisa imilomo yabo njengokukhamisela izulu lentwasa.

UJeremiya 10:13

Lapho ekhupha ilizwi lakhe, amanzi ayahlokoma phezulu; uyakhupha inkungu emikhawulweni yomhlaba, enze imibane iphazime lapho lisina, akhuphe umoya eziphaleni zakhe.