UJeremiya 5:21 - iBhayibhili Elingcwele 1978

²¹ Zwanini lokhu, lina bantu abayizithutha labayiziphuphuku, elilamehlo kodwa lingaboni, elilendlebe kodwa lingezwa.

IBhayibhili Elingcwele LesiNdebele

²¹ Zwanini lokhu, lina zithutha zabantu abangelangqondo, abalamehlo kodwa kababoni, abalezindlebe kodwa kabezwa:

UJeremiya 5:21 ပူးပေါင်းရင်းမြစ်များ

AmaHubo 94:8

Qedisisani, lina zithutha phakathi kwabantu; ziphukuphuku, lizakuhlakanipha nini na?

Izaga 17:16

Imali ingasisiza njani isithutha? Uba singelangqondo singathenga ukuhlakanipha na?

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

U-Isaya 43:8

Lethani abantu bami abayiziphofu bona belamehlo, labayizacuthe bona belezindlebe.

U-Isaya 44:18

Kabazi, kabaqedisisi; ngoba amehlo abo avalekile ukuze bangaboni, lengqondo zabo zivalekile ukuze bangaqedisisi.

UJeremiya 10:8

Bonke bayizithutha leziphukuphuku; izithombe zesigodo zingabafundisa ulutho na?

UJeremiya 4:22

Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.

UJeremiya 5:20

Memezani lokhu endlini kaJakobe, likutshumayele lakoJuda ukuthi:

UJeremiya 5:4

Ngasengisithi: Laba bangabayanga nje, bayiziphukuphuku; ngoba kabayazi indlela yeNkosi lomlayo kaNkulunkulu wabo.

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UJeremiya 7:13

Ngakhoke, kutsho iNkosi, ngoba lenzile zonke lezizinto, lingalalelanga lapho ngikhuluma lani njalonjalo, lapho ngilibiza kalingiphendulanga,

UJeremiya 8:7

Ingabuzane phezulu liyasazi isikhathi salo sokuthutha; lejuba lenkonjane lehemu kuyasazi isikhathi sokubuya kwakho; kodwa abantu bami kabazazi izimiso zeNkosi.

UHezekhiyeli 12:2

Ndoda, wena uhlala phakathi kwabantu abahlamukayo abalamehlo okubona, kodwa bengaboni, abalendlebe zokuzwa, kodwa bengezwa;

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UZakhariya 7:11

Kodwa bona bala ukulalela, baqinisa amakhanda abo, bavimba indlebe zabo ukuze bangezwa.

UMakho 4:12

ukuze: Ukubona babone, bangabonisisi, lokuzwa bezwe, bangaqedisisi, funa baphenduke bathethelelwe.

UMakho 8:18

Lilamehlo, kaliboni yini; lilendlebe, kalizwa na? Kalikhumbuli yini

UJohane 12:40

Uphumputhekisile amehlo abo, wayenza lukhuni inhliziyo yabo, funa babone ngamehlo abo, baqedisise ngenhliziyo yabo, baphenduke, ngibasilise.

Imisebenzi 28:26

Hamba uye kulesisizwe, uthi: Ukuzwa lizakuzwa, lingaze laqedisisa, lokubona lizakubona, lingaze labonisisa,

AbaseRoma 1:20

Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

AbaseRoma 11:8

njengokulotshiweyo ukuthi: UNkulunkulu wabanika umoya wobuthongo, lamehlo okungaboni, lendlebe zokungezwa kuze kube lamuhla.

UDutheronomi 29:3

inhlupheko ezinkulu elazibonayo, lezozibonakaliso lalezozimangaliso ezinkulu.

UDutheronomi 29:4

Kodwa kuze kube lamuhla iNkosi kayilinikanga ingqondo yokuqedisisa lamehlo okubona lendlebe zokuzwa.

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?