UJeremiya 5:17 - iBhayibhili Elingcwele 1978

¹⁷ Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

IBhayibhili Elingcwele LesiNdebele

¹⁷ Bazatshwabadela amabele enu lokudla kwenu, batshwabadele amadodana enu kanye lamadodakazi enu, bazatshwabadela izimvu zenu kanye lenkomo zenu, bazatshwabadela amavini enu kanye lemikhiwa yenu. Amadolobho avikelweyo eliwathembileyo bazawachitha ngenkemba.

UJeremiya 5:17 ပူးပေါင်းရင်းမြစ်များ

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

U-Isaya 62:9

kodwa labo abawavunileyo bazakuwadla badumise iNkosi; lalabo abazibuthayo izithelo zevini bazanatha iwayini emagumeni endlu yami engcwele.

U-Isaya 65:22

Kabayikwakha, kuhlale omunye; kabayikuhlanyela, kudle omunye; ngoba insuku zabantu bami zizakuba njengensuku zesihlahla, labakhethiweyo bami bazakudla izithelo zomsebenzi wabo.

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 25:37

lezibaya ezilokuthula zidilikile, ngenxa yokuvutha kolaka lweNkosi.

UJeremiya 4:26

Ngakhangela, ngabona ukuthi ilizwe elivundileyo liyinkangala, lemizi yalo yonke yayidiliziwe phambi kweNkosi, laphambi kolaka lwayo oluvuthayo.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 5:18

Kodwa langalezonsuku kangiyikuliqeda ngokupheleleyo, kutsho iNkosi.

UJeremiya 50:17

UIsrayeli uyimvu ezingelwayo, exotshwa yizilwane. Kuqala wadliwa yinkosi yaseAsiriya, emva kwalokho uNebukadineza inkosi yaseBabiloni uqhobile amathambo akhe.

UJeremiya 50:7

Bonke ababafumanayo babadla, lezitha zabo zathi: Kasilacala ngoba bonile eNkosini, iNkosi elikhaya labo eliqotho lethemba laboyise.

UJeremiya 8:13

Bengithanda ukubabutha, kutsho iNkosi, kodwa kazikho izithelo evinini, lomkhiwa kawukho; ngitsho lamahlamvu abunile, lalokho engibanike khona kusukile kibo.

UJeremiya 8:16

Ukuthimula kwamabhiza ezitha kuyezwakala koDani; ekuzwakaleni komsindo wokukhala kwamabhiza amaduna ilizwe lonke liyathuthumela. Ngoba zifikela ukudla ilizwe, lakho konke okukulo, umuzi labahlala kiwo.

Izililo 2:12

Bathi kubonina: Kungaphi ukudla lewayini na? lapho besifa njengabantu abalinyaziweyo endleleni zomuzi, lapho befela ezifubeni zabonina.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

UHezekhiyeli 36:4

Ngalokho, lina zintaba zakoIsrayeli, zwanini ilizwi leNkosi uNkulunkulu ezintabeni lasemaqaqeni, lasezindongeni lasezihotsheni, lasemizini echithekileyo langamanxiwa asephenduke impango lenhlekisa yezizwe ezizingelezeleyo.

UHosiya 2:12

Ngizagamula izihlahla zakhe zamavini lezemikhiwa, atsho ngazo ukuthi: Lezi zingumvuzo wami, izithandwa zami ezinginike wona. Ngizazenza zibe ligusu, zidliwe zinyamazana zeganga.

UHosiya 8:14

UIsrayeli umkhohliwe uMenzi wakhe, wazakhela izindlu zamakhosi; uJuda wandisile imizi ebiyelweyo; kodwa ngizathumela umlilo phezu kwemizi yakhe, ozaqothula inqaba zakhe.

UJoweli 2:3

Umlilo uyatshisa phambi kwabo, langemva kwabo kuvutha ilangabi. Phambi kwabo ilizwe lifanana lensimu yaseEdeni, kodwa ngemva kwabo liyinkangala elugwadule; kakukho okungabaleka kubo.

ULevi 26:16

ngizakwenza kini lokhu, ngehlisele phezu kwenu ukwesaba okukhulu, lofuba, lomkhuhlane ozakufiphaza amehlo, liphele amandla. Lizakuhlanyelela inhlanyelo yenu ize, ngoba izitha zenu zizakuyidla.

UZefaniya 3:6

INkosi ithi: Ngizichithile izizwe, lenqaba zazo zidilikile; ngidilizile imigwaqo yazo ukuze kungahambi muntu ngayo; imizi yazo yenziwe yaba ngamanxiwa, kakusekho loyedwa ohlala kiyo.

UMalaki 1:4

Uba abakoEdoma, abantwana bakaEsawu, besithi: Imizi yethu ichithiwe, kodwa sizabuya siyakhe; iNkosi yamabandla ithi: Bangakha, kodwa mina ngizadilizela phansi, baze babizwe ngokuthi yilizwe elibi, labantu iNkosi ebathukutheleleyo kokuphela.

UDutheronomi 28:33

Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,