UJeremiya 49:3 - iBhayibhili Elingcwele 1978

³ Lila, Heshiboni, ngoba iAyi lichithekile. Khalani, lina besifazana baseRaba. Ligqoke izambatho zokulila, lilile, lizisike ngezingqamu; ngoba uMilkomu uzathunjwa kanye labapristi bakhe lezikhulu zakhe.

IBhayibhili Elingcwele LesiNdebele

³ “Lila weHeshibhoni, ngoba i-Ayi ichithekile! Khalani lina elihlala eRabha! Gqokani amasaka lilile; gijimelani lapha lalaphaya phakathi kwemiduli, ngoba uMoleki uzathunjwa, ndawonye labaphristi bakhe kanye lezikhulu zakhe.

UJeremiya 49:3 ပူးပေါင်းရင်းမြစ်များ

2 USamuyeli 11:1

Ekuthwaseni komnyaka ngesikhathi sokuhlasela kwamakhosi, uDavida wathuma uJowabi kanye lenceku zakhe, loIsrayeli wonke, bahlasela amaAmoni, bavimbezela iRaba. Kodwa yena wasala eJerusalema.

1 AmaKhosi 11:33

Ngizakwenza lokhu ngoba ungitshiyile, wakhonza uAshitorethi unkulunkulukazi waseSidoni, loKemoshi unkulunkulu waseMowabi, loMilkomu unkulunkulu wamaAmoni, kahambanga ngendlela zami, enze okuhle phambi kwami, elondoloza izimiso zami lemithetho yami njengoyise uDavida.

1 AmaKhosi 11:5

Ngoba uSolomoni walandela uAshitorethi unkulunkulukazi waseSidoni, loMilkomu unkulunkulu onengekayo wamaAmoni.

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

U-Ezra 2:28

amadoda aseBetheli laseAyi ayengamakhulu amabili lamatshumi amabili lantathu;

U-Isaya 13:6

Lilani, ngoba usuku lweNkosi lusondele; njengokuchitheka okuvela kuSomandla luzakufika.

U-Isaya 14:31

Khala wena sango, ulile lawe muzi. Uthuthumele, lizwe lonke laseFilistiya. Ngoba intuthu iyathunqa ngasenyakatho, kuyimpi engelamagwala ebuthweni layo.

U-Isaya 15:2

Abantu baseDiboni bakhwela endaweni eziphakemeyo zokukhonzela ukuyakhala; abantu baseMowabi bakhalela iNebo leMedeba; bonke baphucile amakhanda, bagela lezindevu;

U-Isaya 16:7

Ngakhoke abaseMowabi kabamkhalele uMowabi, bonke balile kanyekanye, bakhalele izinkwa ezilezithelo zevini zaseKiri‐Haresethi, bakhale badabuke kakhulu.

U-Isaya 23:1

Leli yilizwi ngeTire. Khalani, lina mikolo yaseTarshishi, ngoba iTire eliyindawo yakini lidilikile, lezindlu zalo letheku lalo kuchithekile. Lezwa lokhu endleleni livela elizweni laseKuprosi.

U-Isaya 23:6

Balekelani eTarshishi, likhale, lina abahlala ngasolwandle.

UJeremiya 4:8

Ngenxa yalokho yambatha izambatho zokulila, ukhale ulile; ngoba ulaka lweNkosi olwesabekayo kaluhlehlanga kithi.

UJeremiya 46:25

INkosi yamabandla, uNkulunkulu kaIsrayeli, ithi: Ngizatshaya uAmoni waseThebesi, loFaro, leGibithe kanye labonkulunkulu babo, lamakhosi alo, yebo uFaro kanye labamthembayo.

UJeremiya 48:2

udumo lweMowabi kalusekho. EHeshiboni baceba okubi ngalo, bathi: Wozani silichithe, lingabe lisaba yisizwe. Lani elihlala eMadimeni lizachitheka, baxotshane lani ngomkhonto.

UJeremiya 48:20

IMowabi liyangekile, ngoba lichithekile; lilani likhale; libike ngaseArinoni ukuba iMowabi lichithekile.

UJeremiya 48:37

Ngoba wonke amakhanda aphuciwe, lazo zonke indevu zigeliwe; izandla zonke zilamanxeba, bonke bavunule izambatho zokulila.

UJeremiya 48:7

Ngoba ngenxa yokuba lathemba inqaba zenu lenotho yenu lani lizathunjwa; uKemoshi uzathunjwa kanye labapristi bakhe lezikhulu zakhe.

UJeremiya 49:1

Mayelana lamaAmoni. INkosi ithi: UIsrayeli kalamadodana na? Kalayo indlalifa na? Abakhonza uMilkomu bathathelani ilizwe lakoGadi, bahlale emizini yalo na?

UJeremiya 51:8

IBabiloni seliwile masinyane, lachitheka; likhaleleni, lilidingele umuthi wezilonda, mhlawumbe lingasila.

UJeremiya 6:26

Bantu bami, gqokani izambatho zokulila, libhuquze emlotheni, lenze isililo sibe njengesokulilela indodana eyodwa, lokukhala okubuhlungu. Ngoba umchithi uzakufika kithi masinyane.

uAmosi 1:15

lenkosi yabo izathunjwa, yona kanye lezikhulu zayo; kutsho iNkosi.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UJakhobe 5:1

Minani lina abanothileyo, khalani, lilile ngenxa yezinhlupheko ezizakulehlela.

UJoshuwa 7:2

UJoshuwa eseJeriko wathumela abantu eAyi eliseduze leBeti‐Aveni ngasempumalanga kweBetheli, wathi kibo: Hambani liyehlola ilizwe. Basebehamba bayahlola eAyi.

UJoshuwa 8:1

INkosi yasisithi kuJoshuwa: Ungesabi, utshaywe luvalo; thatha wonke amadoda okulwa, usuke uye eAyi; nginikele esandleni sakho inkosi yaseAyi, labantu bayo, lomuzi wayo, lelizwe layo.

UJoshuwa 8:28

UJoshuwa waselitshisa iAyi, walenza izinqwaba zonxiwa njengoba linjalo kuze kube lamuhla.