UJeremiya 49:2 - iBhayibhili Elingcwele 1978

² Ngakhoke insuku ziyeza, kutsho iNkosi, lapho ngizakwenza ukuba kuhlatshwe umkhosi wempi ngeRaba elamaAmoni. Lizachitheka, lemizi yalo itshiswe ngomlilo; loIsrayeli alithathe futhi ilizwi lakhe kulabo abamamukayo, kutsho iNkosi.

IBhayibhili Elingcwele LesiNdebele

² Kodwa insuku ziyeza, lapho engizahlaba khona umkhosi wempi wokumelana leRabha yama-Amoni, izakuba yindunduma yonxiwa; lemizi eseduze layo izathungelwa ngomlilo. Ngakho u-Israyeli uzabaxotsha labo ababemxotshele phandle,” kutsho uThixo.

UJeremiya 49:2 ပူးပေါင်းရင်းမြစ်များ

2 USamuyeli 11:1

Ekuthwaseni komnyaka ngesikhathi sokuhlasela kwamakhosi, uDavida wathuma uJowabi kanye lenceku zakhe, loIsrayeli wonke, bahlasela amaAmoni, bavimbezela iRaba. Kodwa yena wasala eJerusalema.

AmaHubo 48:11

Kayithokoze intaba yaseZiyone, lemizi yakoJuda ithabe ngenxa yezahlulelo zakho.

AmaHubo 97:8

IZiyone liyezwa, lithokoze, labakoJuda bayathaba ngenxa yezahlulelo zakho, Nkosi.

U-Isaya 11:14

Kodwa bazakwehlela ewatheni lelizwe lamaFilistiya ngasentshonalanga, kanyekanye baphange abantu basempumalanga. Bazakunqoba iEdoma leMowabi, babuse amaAmoni,

U-Isaya 17:1

Leli yilizwi ngeDamaseko. Khangela, iDamaseko lizakuphela, lingabe lisaba ngumuzi, libe lunxiwa oludilikileyo.

UJeremiya 4:19

Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

UJeremiya 49:1

Mayelana lamaAmoni. INkosi ithi: UIsrayeli kalamadodana na? Kalayo indlalifa na? Abakhonza uMilkomu bathathelani ilizwe lakoGadi, bahlale emizini yalo na?

UHezekhiyeli 21:20

Dweba indlela yokufika kwayo eRaba elakoAmoni lakoJuda laseJerusalema elibiyelweyo.

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

uAmosi 1:14

Ngakho ngizaphemba umlilo emithangaleni yaseRaba ozakuqeda izinqaba zalo ngokumemeza osukwini lokulwa, langesiphepha osukwini lwesivunguzane;

uObadiya 1:19

AbakoIsrayeli abaseNegebi bazakuthumba intaba kaEsawu, abaseShefela bathumbe ilizwe lamaFilistiya, kanye lelizwe lakoEfrayimi lelizwe laseSamariya, loBenjamini athumbe iGileyadi.

AmaNani 10:9

Kuzakuthi lapho liphuma impi elizweni lakini ukuyakulwa lezitha ezilicindezelayo, lihlabe umkhosi ngezimpondo, ukuba iNkosi uNkulunkulu wenu ilikhumbule, likhululwe ezitheni zenu.

AmaNani 21:25

UIsrayeli wathatha yonke imizi yamaAmori, wahlala kiyo, iHeshiboni layo yonke imizana yalo.

UDutheronomi 13:16

Lizabuthela yonke impango yawo phakathi komdanga wawo, litshise umuzi lempango yawo yonke ngomlilo, kube ngumnikelo wokutshiswa eNkosini uNkulunkulu wenu; uzakuba lunxiwa kokuphela, ungabe usakhiwa futhi.

UDutheronomi 3:11

— Ngoba amaRefa ayesele kwasekunguOgi kuphela; umbheda wakhe wawungowensimbi; usekhona eRaba kumaAmoni. Ubude bawo babuzingalo ezificamunwemunye, lobubanzi bawo babuzingalo ezine, ngokwengalo yomuntu. —

UJoshuwa 17:11

Futhi koIsakari lakoAsheri uManase wabelwa iBeti‐Sheyani lemizana yalo, leIbileyamu lemizana yalo, labaseDori lemizana yalo, labaseEni‐Dori lemizana yalo, labaseTanaki lemizana yalo, labaseMegido lemizana yalo — owesithathu uyisigaba saseDori —

UJoshuwa 17:16

AbakoJosefa bathi: Izintaba kazisanelanga, kanti amaKanani ahlala emagcekeni alezinqola zokulwa zensimbi, wonke aseBeti‐Sheyani kanye lemizi yalo lawesigodini seJezereli.