UJeremiya 48:9 - iBhayibhili Elingcwele 1978

⁹ Bekelani iMowabi ilitshe lengcwaba, ngoba iMowabi lizachitheka masinyane, imizi yalo izakuba ngamanxiwa angelamuntu.

IBhayibhili Elingcwele LesiNdebele

⁹ Fakani itswayi kuyo iMowabi ngoba izachitheka; amadolobho ayo azakuba ngamanxiwa angayikuba lamuntu ozahlala kuwo.

UJeremiya 48:9 ပူးပေါင်းရင်းမြစ်များ

AmaHubo 11:1

Ngiyaphephela eNkosini. Ngakho lingatsho kanjani kimi ukuthi: Balekela ezintabeni njengenyoni,

AmaHubo 55:6

ngize ngithi: Kungathi ngabe ngilamaphiko njengejuba! Ngabe ngiphaphela khatshana, ngiphumule khona.

U-Isaya 16:2

Njengenyoni ezizulazulayo labantwana benyoni abachithekileyo, banjalo abantu baseMowabi emazibukweni aseArinoni.

UJeremiya 44:22

INkosi yayingaselakukuthwala okubi kwemisebenzi yenu lezinengiso elazenzayo; ngakhoke ilizwe lenu lachitheka, laba yinkangala, laba yinto yokuthukwa, kakusekho okuhlala khona njengoba kunjalo lamhla.

UJeremiya 46:19

Zilungiseleni umthwalo wokuthunjwa, lina baseGibithe. Ngoba iMemfisi izakuba yinkangala, lonxiwa olungahlalwa muntu.

UJeremiya 48:28

Tshiyani imizi, lihlale phakathi kwamadwala, lina elihlala eMowabi. Libe njengejuba elakha isidleke salo emaweni.

UZefaniya 2:9

Ngifunga ukuphila kwami, kutsho iNkosi yamabandla, uNkulunkulu kaIsrayeli, ngithi: UMowabi uzakuba njengeSodoma, lamaAmoni abe njengeGomora, ilizwe lezimbabazane lemigodi yetshwayi elachitheka kokuphela. Abaseleyo ebantwini bami bazakubaphanga, labasilileyo esizweni sami babathumbe.

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.