UJeremiya 48:2 - iBhayibhili Elingcwele 1978

² udumo lweMowabi kalusekho. EHeshiboni baceba okubi ngalo, bathi: Wozani silichithe, lingabe lisaba yisizwe. Lani elihlala eMadimeni lizachitheka, baxotshane lani ngomkhonto.

IBhayibhili Elingcwele LesiNdebele

² IMowabi kayiyikudunyiswa futhi; eHeshibhoni abantu bazaceba ukumbhidliza: besithi, ‘Wozani sitshabalalise isizwe lesiyana.’ Lawe, wena Madimeni uzathuliswa; inkemba izaxotshana lawe.

UJeremiya 48:2 ပူးပေါင်းရင်းမြစ်များ

U-Isaya 15:1

Leli yilizwi ngeMowabi. Ngobusuku iAri elanqotshwa ngabo loMowabi wachitheka; langobusuku iKiri elanqotshwa ngabo loMowabi wachitheka.

U-Isaya 15:5

Inhliziyo yami iyamkhalela uMowabi; ababalekileyo bakhe babalekela eZowari. Abanye bakhwela emawatheni eLuhithi bekhala; labanye basendleleni yaseHoronayimi bedazuluka.

U-Isaya 16:14

Kodwa khathesi iNkosi ithi: Phakathi kweminyaka emithathu elingana leminyaka yoqatshiweyo, udumo lukaMowabi luzadelelwa, lanxa elabantu abanengi; abazasala kibo bazakuba balutshwana kakhulu, bangabi lamandla.

U-Isaya 25:10

Ngoba isandla seNkosi sizavikela lintaba, kodwa uMowabi uzanyathezelwa phansi endaweni yakhe, njengezibi ezinyathelwa egodini lomquba.

UJeremiya 25:15

INkosi, uNkulunkulu kaIsrayeli, yathi kimi: Yamukela esandleni sami linkezo yewayini egcwele ulaka lwami, unathise ngayo zonke izizwe engi kuthuma kuzo.

UJeremiya 25:17

Ngasengiyamukela inkezo esandleni seNkosi, nganathisa ngayo zonke izizwe iNkosi engithume kizo,

UJeremiya 31:36

Uba ukumiswa kwalezizinto kungasuka phambi kwami, kutsho iNkosi, lenzalo yakoIsrayeli izakuphela, ingabe isaba yisizwe phambi kwami kuze kube nininini.

UJeremiya 33:24

Kawuqaphelisanga yini abakutshoyo lababantu ukuthi: INkosi izilahlile izindlu zombili ebizikhethile? Ngalokhoke babadelela abantu bami, babenza bangabe besaba yisizwe emehlweni abo.

UJeremiya 46:28

Ungesabi, wena Jakobe nceku yami, kutsho iNkosi, ngoba ngilawe. Ngizachitha ngokupheleleyo zonke izizwe engikuxotshele kuzo, kodwa wena kangiyikukuqeda ngokupheleleyo. Ngizakukukhuza ngokufaneleyo, kangiyikukuyekela.

UJeremiya 48:17

Likhaleleni, lina lonke elilizingelezeyo, lani lonke elazi ibizo lalo; lithi: Yeka ukwaphuka kwenduku elamandla, udondolo oluhle!

UJeremiya 48:42

IMowabi lizachithwa, lingabe lisaba yisizwe, ngoba lazikhukhumeza eNkosini.

UJeremiya 48:45

Emthunzini waseHeshiboni ababalekayo bayema bephelelwe ngamandla, ngoba umlilo uphumile eHeshiboni, lelangabi liphumile endlini kaSihoni, umlilo utshisile imikhawulo yaseMowabi, lezingqonga zabantu besiphithiphithi.

UJeremiya 49:3

Lila, Heshiboni, ngoba iAyi lichithekile. Khalani, lina besifazana baseRaba. Ligqoke izambatho zokulila, lilile, lizisike ngezingqamu; ngoba uMilkomu uzathunjwa kanye labapristi bakhe lezikhulu zakhe.

UJeremiya 49:37

Ngizakwenza abaseElamu besabe phambi kwezitha zabo laphambi kwalabo ababazingelayo; ngizabehlisela okubi, lolaka lwami oluvuthayo, kutsho iNkosi, ngibalandelisele ngomkhonto, ngize ngibaqede.

AmaNani 32:37

AbakoRubeni bakha iHeshiboni leElayale leKiriyathayimi