UJeremiya 48:10 - iBhayibhili Elingcwele 1978

¹⁰ Uthukiwe lowo owenza umsebenzi weNkosi ngokungananzeleli; uthukiwe lalowo ogodla umkhonto wakhe ekuchitheni igazi.

IBhayibhili Elingcwele LesiNdebele

¹⁰ Yeka isithuko kulowo oyekethisayo ekwenzeni umsebenzi kaThixo! Yeka isithuko kulowo ogodla inkemba yakhe ekuchitheni igazi!

UJeremiya 48:10 ပူးပေါင်းရင်းမြစ်များ

1 AmaKhosi 20:39

Kwathi inkosi idlula, wamemeza enkosini wathi: Inceku yakho yangena phakathi kokulwa; kwaphuma omunye phakathi kwabalwayo, waletha umuntu kimi wathi: Londoloza lumuntu; uba ekulahlekela, uzalahlekelwa yikusila kwakho, kumbe uhlawule ngethalenta lesiliva.

1 AmaKhosi 20:40

Kwathi inceku yakho isaphathekile, lowomuntu wabaleka. Inkosi yakoIsrayeli yathi kuye: Sizakuba njalo isigwebo sakho, ususiqumile wena.

1 AmaKhosi 20:42

Yena wathi kuyo: INkosi uNkulunkulu ithi: Ngoba umyekele umuntu ebengimmisele ukubhujiswa, uzakufa wena endaweni yakhe, labantu bakho bazakufa endaweni yabakhe.

2 AmaKhosi 13:19

Umuntu kaNkulunkulu wayithukuthelela, wathi: Ngabe utshaye kahlanu kumbe kasithupha, ubuzalahlula iSiriya uze uliqede, kodwa khathesi uzalahlula iSiriya kathathu kuphela.

UJeremiya 11:3

Uthi kibo: INkosi, uNkulunkulu kaIsrayeli, ithi: Uqalekisiwe umuntu ongalaleli amazwi alesisivumelwano,

UJeremiya 47:6

Hawu, mkhonto weNkosi! koze kube nini ungakhawuli na? Buyela emgodleni wakho, uhlale uphumule.

UJeremiya 47:7

Kodwa ungaphumula kanjani lapho iNkosi iwulayile na? Iwumisele iAshikeloni lezinkumbi zolwandle.

UJeremiya 50:25

INkosi ivalile indlu yayo yezikhali, yakhupha izikali zolaka lwayo, ngoba iNkosi, uNkulunkulu wamabandla, ilomsebenzi elizweni lamaKaladiya.

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJoshuwa 10:19

kodwa lingahlali khona lina. Xotshanani lezitha zethu, lizihlasele ngasemuva, lingaziyekeli zingene emizini yazo, ngoba iNkosi uNkulunkulu wenu izinikele ezandleni zenu,

Abahluleli 5:23

Qalekisani iMerozi, kutsho isithunywa seNkosi, qalekisani kakhulu abakhileyo kulo, ngoba kabezanga ukusiza iNkosi, ukuyisiza iNkosi kanye lamaqhawe.

1 USamuyeli 15:3

Hambake uyehlasela amaAmaleki, uqede konke alakho; ungabi lasihawu, kodwa ubulale abesilisa labesifazana, izingane lensane ezimunyayo, inkomo lezimvu, amakamela labobabhemi.

1 USamuyeli 15:9

Kodwa uSawuli lempi yakhe kabambulalanga uAgagi, lezimvu lenkomo ezinhle lezinonisiweyo, lamawundlu, lakho konke okuhle; kabathandanga ukukuqeda lokho, kodwa konke okwakudeleleka kungelamsebenzi bakuqeda nya.