UJeremiya 45:1 - iBhayibhili Elingcwele 1978

¹ Ilizwi uJeremiya umprofethi alikhuluma kuBaruki indodana kaNeriya, ekulobeni kwakhe lamazwi encwadini, uJeremiya emtshela wona, ngomnyaka wesine wokubusa kukaJehoyakimi indodana kaJosiya, inkosi yakoJuda,

IBhayibhili Elingcwele LesiNdebele

¹ Lokhu yikho uJeremiya umphrofethi akutshela uBharukhi indodana kaNeriya ngomnyaka wesine kaJehoyakhimi indodana kaJosiya inkosi yakoJuda, emva kokuba uBharukhi elobe emqulwini amazwi ayekhulunywe nguJeremiya esithi,

UJeremiya 45:1 ပူးပေါင်းရင်းမြစ်များ

2 AmaKhosi 24:1

Ngensuku zokubusa kukaJehoyakimi uNebukadineza inkosi yaseBabiloni wahlasela, uJehoyakimi wathela kuye; kodwa ngemva kweminyaka emithathu wamvukela.

2 ImiLando 36:5

UJehoyakimi wayeleminyaka engamatshumi amabili lanhlanu lapho eqalisa ukubusa; wabusa iminyaka elitshumi lanye eJerusalema. Wenza okubi phambi kweNkosi uNkulunkulu wakhe.

UJeremiya 25:1

Ilizwi leNkosi elafika kuJeremiya ngabantu bonke bakoJuda, emnyakeni wesine kaJehoyakimi indodana kaJosiya, inkosi yakoJuda — ngomnyaka wokuqala kaNebukadineza, inkosi yaseBabiloni —

UJeremiya 26:1

Ekuqaleni kokubusa kukaJehoyakimi indodana kaJosiya, inkosi yakoJuda, kwafika lelilizwi leNkosi lathi:

UJeremiya 32:12

nganikela incwadi yokuthenga kuBaruki indodana kaNeriya, indodana kaMahaseya, phambi kukaHanameli umfowethu, laphambi kwabofakazi abaloba amabizo abo encwadini yokuthenga, laphambi kwabo bonke abaJuda ababehlezi egumeni labalindi.

UJeremiya 32:16

Sengimnikile uBaruki indodana kaNeriya incwadi yokuthenga, ngakhuleka eNkosini ngathi:

UJeremiya 36:1

Kwathi ngomnyaka wesine wokubusa kukaJehoyakimi indodana kaJosiya, inkosi yakoJuda, lelilizwi leNkosi lafika kuJeremiya, lathi:

UJeremiya 36:2

Thatha umqulu wencwadi, ulobe kiwo wonke amazwi engiwakhulume kuwe ngoIsrayeli langoJuda langazo zonke izizwe, kusukela osukwini engakhulume kuwe ngoIsrayeli langoJuda langazo zonke izizwe, kusukela osukwini engakhuluma ngalo kuwe, ensukwini zikaJosiya, kuze kube lamhla.

UJeremiya 36:26

Inkosi yalaya uJerameli indodana yenkosi, loSeraya indodana kaAziriyeli, loShelemiya indodana kaAbideli, ukuba babambe uBaruki umbhali loJeremiya umprofethi; kodwa iNkosi uNkulunkulu yabafihla.

UJeremiya 36:32

UJeremiya wasethatha omunye umqulu, wawunika uBaruki umbhali indodana kaNeriya, owaloba kiwo wonke amazwi kaJeremiya, wonke amazwi omqulu wokuqala owatshiswa nguJehoyakimi inkosi yakoJuda; kwengezelelwa kiwo amazwi amanengi afana lawo.

UJeremiya 36:4

UJeremiya wasebiza uBaruki indodana kaNeriya, uBaruki waloba emqulwini wencwadi wonke amazwi kaJeremiya, wonke amazwi iNkosi eyayiwakhulume kuye.

UJeremiya 45:2

lathi: INkosi, uNkulunkulu kaIsrayeli, ithi kuwe Baruki:

UJeremiya 46:2

Mayelana leGibithe. Ngempi kaFaro Neko inkosi yaseGibithe, eyayingasemfuleni iYufrathi, eKarikemishi, ayinqobayo uNebukadineza inkosi yaseBabiloni ngomnyaka wesine wokubusa kukaJehoyakimi indodana kaJosiya, inkosi yakoJuda, ilizwi lathi:

UJeremiya 51:59

Ilizwi likaJeremiya umprofethi alaya ngalo uSeraya indodana kaNeriya, kaMahaseya, ekuhambeni kwakhe loZedekiya inkosi yakoJuda, ukuya eBabiloni emnyakeni wesine wokubusa kwakhe. USeraya wayeyisikhulu sezindawo zokuphumula.

UDanyeli 1:1

Ngomnyaka wesithathu wokubusa kukaJehoyakimi inkosi yakoJuda, uNebukadineza inkosi yaseBabiloni wafika eJerusalema, walivimbezela.