UJeremiya 42:2 - iBhayibhili Elingcwele 1978

² bathi kuJeremiya umprofethi: Ake uzwe ukunxusa kwethu, usikhulekele eNkosini uNkulunkulu wakho, ukhulekele bonke laba abaseleyo, ngoba sisele siyingcosana nje kwabanengi, njengalokho lawe ubona,

IBhayibhili Elingcwele LesiNdebele

² kuJeremiya umphrofethi bathi kuye, “Ake uzwe isicelo sethu ubakhulekele bonke laba abaseleyo kuThixo uNkulunkulu wakho. Ngoba njengoba lawe uzibonela khathesi, lanxa sake saba banengi khathesi kusele abalutshwana kuphela.

UJeremiya 42:2 ပူးပေါင်းရင်းမြစ်များ

1 AmaKhosi 13:6

Inkosi uJerobowamu yathi emuntwini kaNkulunkulu: Ake ungincengele eNkosini uNkulunkulu wakho, ungikhulekele, ukuba isandla sami sisiliswe. Umuntu kaNkulunkulu wasemncengela eNkosini, lesandla sikaJerobowamu sasiliswa saba njengakuqela.

AmaHubo 119:170

Ukunxusa kwami kakufike phambi kwakho; ngikhulula ngokwelizwi lakho.

U-Eksodasi 8:28

UFaro wathi: Ngizalivumela ukuba liye enkangala ukuyihlabela iNkosi uNkulunkulu wenu; kodwa lingayi khatshana; futhi kalibongikhulekela.

U-Eksodasi 9:28

Incengeni iNkosi, ngoba kwanele ukuduma lokhu lesiqhotho lesi; ngizakuliyekela lihambe, lingabe lisahlala.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 37:4

Mhlawumbe iNkosi, uNkulunkulu wakho, iwezwile amazwi enceku enkulu ethunywe yinkosi yayo yaseAsiriya ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke ake ukhulekele ingcosana eseleyo.

U-Isaya 42:20

Iyabona izinto ezinengi, kodwa kayiziqaphelisi; indlebe zayo zivulekile, kodwa kayizwa.

UJeremiya 15:11

Nkosi, zonke iziqalekiso zakho kazigcwaliseke uba ngingakukhonzanga ngokupheleleyo, ngingazincengelanga kuwe izitha zami ngesikhathi sokuhlupheka kwazo lesosizi lwazo.

UJeremiya 2:27

abathi esihlahleni: Wena ungubaba; abathi lelitsheni: Wena wasizala. Ngoba bangifulathela, kabangikhangelanga. Kodwa ngesikhathi sokuhlupheka kwabo bathi: Vuka, usikhulule!

UJeremiya 21:2

Ake usibuzele eNkosini, ngoba uNebukadineza inkosi yaseBabiloni uyasihlasela; mhlawumbe iNkosi ingasenzela njengazo zonke izimangaliso zayo, imenze asuke kithi.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 37:20

Zwanake, ngiyakuncenga wena nkosi, ake ulalele isikhalazo sami, ungangibuyiseli endlini kaJonathani umbhali, funa ngifele khona.

UJeremiya 37:3

Inkosi uZedekiya yathuma uJehukali indodana kaShelemiya loZefaniya umpristi indodana kaMahaseya kuJeremiya umprofethi, yathi: Ake usikhulekele eNkosini uNkulunkulu wethu.

UJeremiya 38:14

Inkosi uZedekiya wambiza uJeremiya umprofethi, wamamukela esangweni lesithathu lethempeli leNkosi. Yathi kuJeremiya: Ngizakukubuza umbuzo, ungangifihleli lutho.

UJeremiya 40:15

UJohanani indodana kaKareya wasekhuluma loGedaliya eMizipa ensitha wathi: Ngivumela ukuba ngihambe, ngiyembulala uIshmayeli indodana kaNethaniya, kungaziwa muntu. Uzakukubulalelani, ukuze bonke abaJuda ababuthene lapha bahlakazeke, kubhubhe ingcosana eseleyo koJuda na?

UJeremiya 42:20

Lizifake engozini ngokungithuma eNkosini, uNkulunkulu wenu, lisithi: Sikhulekele eNkosini uNkulunkulu wethu; lokho iNkosi uNkulunkulu wethu ekutshoyo, sizakukwenza.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

UHezekhiyeli 12:16

Kodwa ngizatshiya abayingcosana baphephe empini lasendlaleni lasesifeni, ukuba bafakaze ngawo wonke amanyala abo phakathi kwezizwe abazahamba kuzo, ukuba zazi ukuba ngiyiNkosi.

UHosiya 8:10

Lanxa beqatsha abasizi phakathi kwezizwe, sengizabaqoqa; ng’khona bezakhawula ukubeka amakhosi lababusi.

ULevi 26:22

Ngizathuma phakathi kwenu izilo ezizakulamuka abantwana benu, zibulale inkomo zenu, zilenze libe balutshwana, lezindlela zenu zibe yinkangala.

uAmosi 7:2

Kwathi lapho sesidlile utshani belizwe, ngathi: Nkosi Nkulunkulu, ake uthethelele, ngiyakuncenga. Uzaphepha kanjani uJakobe emncinyane kangaka?

UMatewu 24:22

Uba lezonsuku bezingafinyezwanga, bekungesiliswe muntu; kodwa lezonsuku zizakufinyezwa ngenxa yabakhethiweyo.

Imisebenzi 8:24

USimoni wasemphendula esithi: Ngikhulekelani lina eNkosini, ukuze ngingehlelwa ngolunye lwalezizinto elizitshiloyo.

UDutheronomi 28:62

Lanxa belingangenkanyezi zaphezulu ngobunengi, lizasala seliyingcosana, ngoba kalilalelanga ilizwi leNkosi uNkulunkulu wenu.

UDutheronomi 28:63

Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.

UJakhobe 5:16

Ngakhoke vumani izono zenu omunye komunye, likhulekelane ukuze lisiliswe. Umkhuleko womuntu olungileyo ulamandla kakhulu.

1 USamuyeli 12:19

Bonke abantu bathi kuSamuweli: Khulekela inceku zakho eNkosini uNkulunkulu wakho, ukuba singafi; ngoba sengezelele ezonweni zethu zonke lobububi bokuzicelela inkosi.

1 USamuyeli 12:23

Minake kakube khatshana lami ukuba ngone eNkosini ngokuyekela ukulikhulekela; ngizalifundisa indlela enhle lelungileyo.

1 USamuyeli 7:8

Abantu bakoIsrayeli bathi kuSamuweli: Ungayekeli ukusikhulekela eNkosini uNkulunkulu wethu ukuba asikhulule kumaFilistiya.