UJeremiya 40:9 - iBhayibhili Elingcwele 1978

⁹ UGedaliya indodana kaAhikamu, kaShafani, wafunga kibo labantu babo, wathi: Lingesabi ukukhonza amaKaladiya. Hlalani elizweni, liyisebenzele inkosi yaseBabiloni, kuzalilungela.

IBhayibhili Elingcwele LesiNdebele

⁹ UGedaliya indodana ka-Ahikhami, indodana kaShafani, wafunga isifungo ebathembisa labantu babo, wathi, “Lingesabi ukusebenzela amaKhaladiya. Hlalani elizweni lisebenzele inkosi yaseBhabhiloni, konke kuzalilungela.

UJeremiya 40:9 ပူးပေါင်းရင်းမြစ်များ

UGenesisi 49:15

Wabona indawo yokuphumula ukuthi yinhle, lelizwe ukuthi lilungile, wagobisa amahlombe akhe ukuba athwale, waba yisigqili somsebenzi onzima.

2 AmaKhosi 25:24

UGedaliya wafunga kuzo lakubantu bazo wathi: Lingesabi induna zamaKaladiya; hlalani elizweni, likhonze inkosi yaseBabiloni, kuzalilungela.

AmaHubo 128:2

Ngoba uzakudla izithelo zomsebenzi wezandla zakho; uzakuba lenhlanhla uphumelele.

AmaHubo 37:3

Themba eNkosini, wenze okuhle, uhlale elizweni ngokuthembeka.

UJeremiya 27:11

Kodwa isizwe esizakuthobela inkosi yaseBabiloni, siyisebenzele, ngizasiyekela elizweni laso, ukuba sililime, sakhe kulo, kutsho iNkosi.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

Izililo 5:9

Sizuza ukudla kwethu ngokudela ukusila kwethu, ngenxa yengozi zasenkangala.