UJeremiya 40:11 - iBhayibhili Elingcwele 1978

¹¹ Futhi, lapho bonke abaJuda ababeseMowabi laseAmoni laseEdoma lakwamanye amazwe sebezwile ukuthi inkosi yaseBabiloni itshiyile ingcosana elizweni lakoJuda, yabeka uGedaliya indodana kaAhikamu, kaShafani, ukuba ngumbusi.

IBhayibhili Elingcwele LesiNdebele

¹¹ Kwathi bonke amaJuda baseMowabi, e-Amoni le-Edomi lawo wonke amanye amazwe sebezwe ukuthi inkosi yaseBhabhiloni yayitshiye insalela koJuda njalo ibeke uGedaliya indodana ka-Ahikhami indodana kaShafani, ukuba ngumbusi wabo,

UJeremiya 40:11 ပူးပေါင်းရင်းမြစ်များ

UGenesisi 36:8

UEsawu wakha entabeni yaseSeyiri; uEsawu unguEdoma.

U-Isaya 11:14

Kodwa bazakwehlela ewatheni lelizwe lamaFilistiya ngasentshonalanga, kanyekanye baphange abantu basempumalanga. Bazakunqoba iEdoma leMowabi, babuse amaAmoni,

U-Isaya 16:4

vumelani abaxotshiweyo baseMowabi bahlale phakathi kwenu, libe yisiphephelo kibo kumchithi. Lapho engasekho umcindezeli, lokuchitheka sekuphelile, lonyathezela phansi engasekho elizweni,

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

UJeremiya 41:10

UIshmayeli wasethumba bonke abantu ababesele eMizipa, amadodakazi enkosi labo bonke ababesele eMizipa, uNebuzaradani induna yabalindi ayebanikezele kuGedaliya indodana kaAhikamu. UIshmayeli indodana kaNethaniya wabathumba, wabasa kumaAmoni.

UJeremiya 43:5

UJohanani indodana kaKareya lazo zonke induna zempi bathatha bonke abaseleyo bakoJuda ababebuyele ukuhlala elizweni lakoJuda bevela kuzo zonke izizwe ababexotshelwe kuzo, baya labo eGibithe,

UJeremiya 43:6

amadoda, labafazi, labantwana, amadodakazi enkosi, bonke abantu uNebuzaradani induna yabalindi ayebatshiye kuGedaliya indodana kaAhikamu, indodana kaShafani; bathatha loJeremiya umprofethi loBaruki indodana kaNeriya.

UJeremiya 9:26

ngitsho iGibithe loJuda loEdoma loAmoni loMowabi, labo bonke abahlala enkangala abagela inwele zabo emaceleni; ngoba zonke lezizizwe kazisokanga, layo yonke indlu kaIsrayeli kayisokanga enhliziyweni.

UHezekhiyeli 25:12

INkosi uNkulunkulu ithi: Ngoba iEdoma liphindisele koJuda, lonile kakhulu ngokuphindisela kwalo,

UHezekhiyeli 25:2

Ndoda, khangela kumaAmoni, utshumayele ngawo.

UHezekhiyeli 25:6

INkosi uNkulunkulu ithi: Ngoba uqakezile izandla zakho, wagida ngenyawo zakho, wathokoza ugcwele umona ngelizwe lakoIsrayeli,

UHezekhiyeli 25:8

INkosi uNkulunkulu ithi: Ngoba iMowabi lathi: UJuda uyafana nje lazo zonke ezinye izizwe;

UHezekhiyeli 34:6

Izimvu zami zachitheka, zazulazula kuzo zonke intaba, lakiwo wonke amaqaqa aphakemeyo; izimvu zami zachitheka endaweni zonke zomhlaba, kungekho loyedwa ozilandelayo azidinge.

UHezekhiyeli 35:15

Njengoba lathokoza ngelizwe lami uIsrayeli ngoba lachitheka, ngizakwenza njalo kuwe, uzachitheka, wena ntaba yaseSeyiri, lalo lonke iEdoma. Ng’khona bazakwazi ukuba ngiyiNkosi.

UHezekhiyeli 35:5

Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:3

Uzathatha inwele eziyingcosana, uzigoqele ngomphetho wengubo yakho.

AmaNani 22:1

Abantu bakoIsrayeli basuka lapho, bayamisa emagcekeni aseMowabi, ngaphetsheya kweJordani, eduze leJeriko.

AmaNani 25:1

UIsrayeli wahlala eShithimi. Abantu baqala ukuphinga lamadodakazi aseMowabi.

AmaNani 25:2

Wona amema abantu ukuya emihlatshelweni yabonkulunkulu bawo, labantu badla, bakhothamela onkulunkulu bawo.

1 USamuyeli 11:1

Ngemva kwenyanga eyodwa kwasuka uNahashi waseAmoni wavimbezela iJabeshi‐Gileyadi; bonke abantu baseJabeshi bathi kuNahashi: Yenza isivumelwano lathi, sizakukusebenzela.

1 USamuyeli 12:12

Lapho libona ukuthi uNahashi inkosi yaseAmoni uyalihlasela, lathi kimi: Atshi bo, sifuna inkosi ezasibusa; kanti iNkosi uNkulunkulu wenu yiyo inkosi yenu.