UJeremiya 4:4 - iBhayibhili Elingcwele 1978

⁴ Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

IBhayibhili Elingcwele LesiNdebele

⁴ Zisokeleni kuThixo, lisoke inhliziyo zenu, lina bantu bakoJuda lani bantu baseJerusalema, hlezi ulaka lwami luvuke luvuthe njengomlilo ngenxa yobubi elibenzileyo, lutshise kungekho muntu ongalucitsha.”

UJeremiya 4:4 ပူးပေါင်းရင်းမြစ်များ

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

U-Isaya 10:17

Ukukhanya kukaIsrayeli kuzakuba ngumlilo, loNgcwele wakhe abe lilangabi; kuzakutshisa kuqede ameva alo lokhula lwalo ngasuku lunye.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 51:17

Vuka, vuka, usukume, wena Jerusalema, wena onathileyo esandleni seNkosi inkezo yolaka lwayo, wayinatha wayiminya, weze wasala eyendezela.

UJeremiya 15:14

Ngizakukwenza ukuba usebenzele zonke izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 21:5

Mina uqobo ngizakulwa lawe ngesandla esilamandla langengalo elamandla, ngilokuthukuthela lokufutheka lolaka oluvuthayo.

UJeremiya 23:19

Khangelani, ulaka lweNkosi lunjengesivunguzane, luphumile, lunjengesiphepha esivunguzayo, luzakwehlela phezu kwababi.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 44:22

INkosi yayingaselakukuthwala okubi kwemisebenzi yenu lezinengiso elazenzayo; ngakhoke ilizwe lenu lachitheka, laba yinkangala, laba yinto yokuthukwa, kakusekho okuhlala khona njengoba kunjalo lamhla.

UJeremiya 9:25

Khangela, insuku ziyeza, kutsho iNkosi, lapho ngizatshaya bonke abasokileyo kodwa bengasokanga enhliziyweni;

UJeremiya 9:26

ngitsho iGibithe loJuda loEdoma loAmoni loMowabi, labo bonke abahlala enkangala abagela inwele zabo emaceleni; ngoba zonke lezizizwe kazisokanga, layo yonke indlu kaIsrayeli kayisokanga enhliziyweni.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 16:38

Ngizakukuthonisisa njengabesifazana abafebayo lababulalayo, ngehlisele phezu kwakho igazi elachithwayo ngenxa yokuthukuthela lomona.

UHezekhiyeli 18:31

Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

UHezekhiyeli 20:33

Ngiyazifunga, kutsho iNkosi uNkulunkulu, impela ngizalibusa ngesandla esilamandla lengalo eqinileyo langolaka lwami;

UHezekhiyeli 21:17

Lami ngizaqakeza izandla zami, ngiphelelise ukufutheka kwami. Mina Nkosi, sengikhulumile.

UHezekhiyeli 24:13

Ukuthomba kwayo kungamanyala enu angcolileyo. Ngoba bengithanda ukulihlambulula, kodwa kalihlambulukanga ekungcoleni kwenu, kalisayikuhlanjululwa ngize ngikholise ukuthukuthela kwami phezu kwenu.

UHezekhiyeli 24:8

Ukuba kuvuswe ukuthukuthela kwami, ukuba kuphindisele, ngichithele phezu kwedwala igazi olichithileyo ukuze lingagqitshelwa.

UHezekhiyeli 44:7

okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.

UHezekhiyeli 6:12

Okhatshana uzabulawa yisifo, oseduze abulawe yimpi, loseleyo abulawe yindlala. Kuzaphela ngokunjalo ukufutheka kwami phezu kwabo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

ULevi 26:41

Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

uAmosi 5:6

Dingani iNkosi ukuze liphile, funa ilumathe endlini kaJosefa njengomlilo otshisa uqothule, kungabi khona owucimayo eBetheli,

UZefaniya 2:2

ungakadudulwa njengamakhoba aphephukayo, ungakehlelwa yintukuthelo eyesabekayo yeNkosi, ungakafikelwa lusuku lolaka lweNkosi.

AbaseRoma 2:25

Ukusoka kambe kuyasiza uba ugcina umlayo; kodwa uba uweqa umlayo, ukusoka kwakho kuphenduka ukungasoki.

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

AbaseKholose 2:11

Lasokelwa kuye ngokusoka okungenziwanga ngezandla, kodwa okulikhulula emandleni omzimba; lokhu kuyikusoka kukaKristu.