UJeremiya 4:31 - iBhayibhili Elingcwele 1978

³¹ Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

IBhayibhili Elingcwele LesiNdebele

³¹ Ngizwa ukukhala okunjengokowesifazane ohelelwayo, ukububula okufana lozuza umntwana wakhe wakuqala, ukukhala kweNdodakazi yaseZiyoni ikhefuzela, yelule izandla zayo isithi, “Maye mina! Amandla ami asephela, ukuphila kwami sekunikelwe kubabulali.”

UJeremiya 4:31 ပူးပေါင်းရင်းမြစ်များ

UGenesisi 27:46

URebeka wasesithi kuIsaka: Sengidiniwe yikuphila ngenxa yamadodakazi kaHethi; uba uJakobe ethatha umfazi kuwo amadodakazi kaHethi anjengala amadodakazi alelilizwe, kungisiza kanjani ukuphila kwami na?

UJobe 10:1

Ngiyanengwa yikuphila kwami; ngizakhuluma ngokukhululeka ngokusola kwami, ngikhulume ngokudabuka emoyeni wami;

AmaHubo 120:5

Maye mina ngoba ngihlala koMesheki, ngihlala emathenteni aseKedari!

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 13:8

batshaywe luvalo, behlelwe yibuhlungu lokudabuka, bafuthelwe njengowesifazana ohelelwayo, bakhangelane ngokumangala, benyukumele.

U-Isaya 21:3

Ngakhoke ngilobuhlungu obukhulu, ngiphethwe ngumhelo, umhelo ofana lowowesifazana obelethayo; ngikhathazeka kakhulu ukuze ngingezwa, ngihlupheka kakhulu ukuze ngingaboni.

U-Isaya 26:17

Njengokhulelweyo lapho kusondele isikhathi sokubeletha kwakhe ekhaliswa yibuhlungu, lathi saba njalo ngenxa yakho, Nkosi.

U-Isaya 42:14

Sekuyisikhathi eside ngithule, kutsho iNkosi, ngithule ngazibamba; khathesi sengizakukhala njengowesifazana obelethayo, ngikhefuzele kakhulu.

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

UJeremiya 10:19

Maye mina ngenxa yokulimala kwami! Inxeba lami libi. Kodwa ngathi mina: Lokhu kuyinhlupheko yami engifanele ukuyithwala.

UJeremiya 13:21

Lizakuthini uba belibekela labo elabenza abangane benu ukuba babe ngabaphathi benu na? Kaliyikwehlelwa yibuhlungu obunjengowesifazana ohelelwayo na?

UJeremiya 14:18

Uba ngiphumela ngaphandle, kugcwele khona ababulewe empini. Uba ngingena emzini, ngibona khona abantu ababulawa yindlala. Abaprofethi labapristi bahamba besenza umsebenzi wabo, kodwa bengazi ukuthi benzani.

UJeremiya 15:18

Kungani ubuhlungu bami bungapheli, lamanxeba ami engapholi, elapheke na? Uzakuba njengesifula esikhohlisayo kimi, lanjengamanzi angathembekanga na?

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 22:23

Wena ohlala eLebanoni, owakhe isidleke sakho phakathi kwemikusu, yeka ukukhala kwakho mhla uzakwehlelwa yibuhlungu, ubuhlungu obunjengobowesifazana obelethayo.

UJeremiya 30:6

Ake libuze lizwe, kumbe indoda ingazala umntwana na? Phoke, kungani ngibona wonke amadoda ebambe inkalo zawo njengowesifazana ohelelwayo na? Kungani ubuso bonke bunyukumele na?

UJeremiya 45:2

lathi: INkosi, uNkulunkulu kaIsrayeli, ithi kuwe Baruki:

UJeremiya 48:41

Imizi izathunjwa, lezinqaba zithathwe, kuthi inhliziyo zamaqhawe aseMowabi ngalolosuku zibe njengenhliziyo yowesifazana ohelelwayo.

UJeremiya 49:22

Ukhona ozaqonga njengokhozi, ehle ngesiqubu elulele impiko zakhe ngakuBozira; lenhliziyo zamaqhawe eEdoma ngalolosuku zizakuba njengenhliziyo yowesifazana ohelelwayo.

UJeremiya 49:24

IDamaseko selibuthakathaka, liphenduke ukuba libaleke, lifikelwe yibugwala, ukudabuka losizi kulehlele njengowesifazana ohelelwayo.

UJeremiya 50:43

Inkosi yaseBabiloni yezwa umbiko ngabo, izandla zayo zaba buthakathaka; usizi lwayibamba, lobuhlungu obunjengowesifazana ohelelwayo.

UJeremiya 6:2

IZiyone elibukekayo lelihle, kuseduze ukuchitheka kwalo.

Izililo 1:17

IZiyone liyelula izandla zalo ukukhuleka, kodwa kakho oliduduzayo. INkosi ilayile ngoJakobe ukuthi abakhelene laye babe yizitha zakhe. IJerusalema seliyisinengiso phakathi kwabo.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

Izililo 2:21

Obhuqwini lwezindlela kulele abatsha labadala; intombi zami lensizwa zami zibulewe; osukwini lokuthukuthela kwakho uzibulele wena, wazibulala ungelasihawu.

UHosiya 13:13

Umhelo uyamfikela, kodwa unjengomntwana oyisiphukuphuku, othi isikhathi sakhe sesifikile, kodwa kaphumi esiswini.

UMikha 4:10

Zitshile, ububule, Ziyone, njengowesifazana ohelelwayo; ngoba khathesi uzaphuma emzini, uhlale egangeni; uzakuya laseBabiloni lapho uzakhululwa khona, lapho iNkosi izakukuhlenga khona ezitheni zakho.

UMikha 4:9

Usumemezelani kangaka na? Kawuselankosi na? Ubhubhile ummeli wakho yini ukuba wehlelwe ngumhelo njengobelethayo na?

UMikha 7:1

Maye mina! ngoba senginjengokuvunwa kwezithelo zasehlobo, njengevini eselivunwe laphela; kakuselahlukuzo lokudliwa, lemikhiwa yokuqala engiyithandayo.

UMatewu 21:5

Tshonini kuZiyone ukuthi: Khangela, iNkosi yakho iyeza kuwe, imnene, ikhwele ubabhemi lethole, inkonyane kababhemi.

1 AbaseKhorinte 9:16

Loba ngitshumayela ivangeli, kangilakuzincoma ngalokho, ngoba ngimele ukwenza njalo. Maye kimi uba ngingalitshumayeli ivangeli!

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.