UJeremiya 4:29 - iBhayibhili Elingcwele 1978

²⁹ Imizi yonke iyabaleka ngenxa yomsindo wabagadi bamabhiza labaphathi bemitshoko; bangena ezixukwini bakhwele emadwaleni, imizi yonke isele ize, kakho ohlala kiyo.

IBhayibhili Elingcwele LesiNdebele

²⁹ Ekuzwakaleni komsindo wabagadi bamabhiza labemitshoko amadolobho wonke ayabaleka. Abanye bangena ezixukwini, abanye bakhwele emadwaleni. Amadolobho wonke atshiyiwe, akulamuntu ohlala kuwo.

UJeremiya 4:29 ပူးပေါင်းရင်းမြစ်များ

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

ULukha 23:30

Bazakuqalisa ukuthi ezintabeni: Welani phezu kwethu; lemaqaqeni ukuthi: Sisibekeleni.

uAmosi 9:1

Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.

UJeremiya 52:7

Basebewufohlela umuzi; wonke amadoda empi abaleka, aphuma emzini ebusuku, ngendlela yesango eliphakathi kwemiduli emibili, ngasesangweni lensimu yenkosi, lanxa amaKaladiya ayewuzingelezele umuzi. Ahamba aqonda ngaseAraba.

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

1 USamuyeli 13:6

Kwathi abantu bakoIsrayeli bebona ukuthi basebunzimeni — ngoba beminyezelwa kakhulu — bacatsha embalwini, lasemilindini, lasemaweni, lasemalibeni, lasemigodini.

U-Isaya 6:12

leNkosi ibaxotshele khatshana abantu, lendawo ezinengi zisale zingaselabantu elizweni.

UJeremiya 6:23

Baphethe imitshoko lemikhonto, balesihluku, kabalasihawu, lomdumo wabo unjengokuduma kolwandle; bagade amabhiza, behleliwe njengabantu abayakulwa, behlelelwe ukulwa lawe, Ziyone.

UJeremiya 16:16

Khangelani, ngiyathumela abagoli benhlanzi abanengi, bababambe, kutsho iNkosi; emva kwalokho ngizathumela abazingeli abanengi, babazingele entabeni zonke, lasemaqaqeni wonke, babakhuphe ezimbalwini zamatshe zonke.