UJeremiya 4:27 - iBhayibhili Elingcwele 1978

²⁷ Ngoba iNkosi ithe: Ilizwe lonke lizachitheka, kodwa kangizukuliqeda ngokupheleleyo.

IBhayibhili Elingcwele LesiNdebele

²⁷ UThixo uthi: “Ilizwe lonke lizachitheka lanxa ngingayikulitshabalalisa ngokupheleleyo.

UJeremiya 4:27 ပူးပေါင်းရင်းမြစ်များ

UJeremiya 46:28

Ungesabi, wena Jakobe nceku yami, kutsho iNkosi, ngoba ngilawe. Ngizachitha ngokupheleleyo zonke izizwe engikuxotshele kuzo, kodwa wena kangiyikukuqeda ngokupheleleyo. Ngizakukukhuza ngokufaneleyo, kangiyikukuyekela.

UJeremiya 5:18

Kodwa langalezonsuku kangiyikuliqeda ngokupheleleyo, kutsho iNkosi.

UJeremiya 5:10

Ngenani emavinini alo liwachithe, kodwa lingawaqedi ngokupheleleyo; susani ingatsha zalo, ngoba kazisizo zeNkosi.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

UHezekhiyeli 11:13

Kwathi lokhu ngisatshumayela, uPelatiya indodana kaBenaya wafa. Ngasengisithi mbo ngobuso phansi, ngamemeza ngelizwi elikhulu ngathi: Hawu, Nkosi uNkulunkulu! Uzabaqeda abaseleyo koIsrayeli na?

ULevi 26:44

Kantike, lapho sebefikile elizweni lezitha zabo, kangiyikubalahla, futhi kangiyikunengwa yibo ukuze ngibaqothule, ngeqe isivumelwano sami labo, ngoba ngiyiNkosi uNkulunkulu wabo.

UHezekhiyeli 33:28

Ngizalichitha ilizwe libe yinkangala, lamandla alo aziphakamisayo azaphela, lentaba zakoIsrayeli zibe yinkangala ukuba kungadluli muntu kuzo.

UHezekhiyeli 6:14

Ngizabaphakamisela isandla sami, ngilichithe ilizwe liphele, kuzo zonke indawo abahlala kuzo, kusukela enkangala kuze kufike eRibila. Ng’khonake bezakwazi ukuba ngiyiNkosi.

UJeremiya 18:16

benza ilizwe labo laba ngelesabekayo lento yokuncifelwa kuze kube nininini; bonke abedlula khona bayethuka, banikina amakhanda abo.

UJeremiya 7:34

Ngizaqeda emizini yakoJuda lezindleleni zaseJerusalema umsindo wokujabula lowokuthokoza, lelizwi lomyeni lelomlobokazi, ngoba ilizwe lizakuchitheka.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

U-Isaya 24:1

Khangela, iNkosi izachitha umhlaba, iwenze ube yinkangala, iwugenqule, ihlakaze labahlala kiwo.

2 ImiLando 36:21

Lagcwaliseka ngokunjalo ilizwi leNkosi eyalikhuluma ngoJeremiya isithi: Kuze kube yisikhathi lelilizwe lizakuzuza ukuphumula kwalo kweSabatha, kuze kwedlule iminyaka engamatshumi ayisikhombisa, lizagcina iSabatha insuku zalo zonke zokuchitheka kwalo.

UNehemiya 9:31

Kanti ngomusa wakho omkhulu kawubaqedanga, kawubatshiyanga; ngoba wena unguNkulunkulu olomusa lesihawu.

UJeremiya 4:20

Ukuchitheka kulandela ukuchitheka, ilizwe lonke lichithekile. Amathente ethu adilikile masinyane, lamaveli awo ngesibangana nje.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

UJeremiya 25:11

Ilizwe lonke leli lizakuba ngamanxiwa lenkangala; lezizizwe zizasebenzela inkosi yaseBabiloni iminyaka engamatshumi ayisikhombisa.

UJeremiya 44:6

Ngakho ulaka lwami lokuthukuthela kwami kwavutha emizini yonke yakoJuda lasezindleleni zeJerusalema; zaphenduka zaba yinkangala, zachitheka njengalamhla nje.

UHezekhiyeli 20:17

Kanti ngabahawukela, kangibabhubhisanga ngabaqeda nya enkangala.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

U-Isaya 17:6

kungasali lutho khona, kuphela izikhwebu ezidojiweyo; loba njengesihlahla seoliva esijikijelwayo esilezithelo ezimbili loba ezintathu ezisegqongeni yaso, ezine loba ezinhlanu engatsheni zesihlahla sezithelo, kutsho iNkosi uNkulunkulu kaIsrayeli.

Izililo 2:7

INkosi ilidelele ialtare layo, yalahla indlu yayo engcwele; yanikela esandleni sesitha imiduli yezigodlo zalo. Kwaba khona umsindo wokunqoba endlini yayo engcwele njengosukwini lomkhosi omisiweyo.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.