UJeremiya 4:26 - iBhayibhili Elingcwele 1978

²⁶ Ngakhangela, ngabona ukuthi ilizwe elivundileyo liyinkangala, lemizi yalo yonke yayidiliziwe phambi kweNkosi, laphambi kolaka lwayo oluvuthayo.

IBhayibhili Elingcwele LesiNdebele

²⁶ Ngakhangela, ilizwe elithelayo laseliyinkangala, amadolobho alo wonke ayesengamanxiwa phambi kukaThixo, phambi kolaka lwakhe olwesabekayo.

UJeremiya 4:26 ပူးပေါင်းရင်းမြစ်များ

AmaHubo 107:34

umhlabathi ovundileyo ube lugwadule lwetshwayi, ngenxa yobubi babahlezi khona.

AmaHubo 76:7

Wena, yebo wena, uyesabeka. Ngubani ongema phambi kwakho lapho usuthukuthela na?

UJeremiya 12:13

Bahlanyele amabele, bavuna ameva, bazidinise ngokusebenza, kodwa kabazuzanga lutho. Bazakuba lenhloni ngezivuno zabo, ngenxa yolaka oluvuthayo lweNkosi.

UJeremiya 12:4

Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

UJeremiya 25:11

Ilizwe lonke leli lizakuba ngamanxiwa lenkangala; lezizizwe zizasebenzela inkosi yaseBabiloni iminyaka engamatshumi ayisikhombisa.

UJeremiya 7:34

Ngizaqeda emizini yakoJuda lezindleleni zaseJerusalema umsindo wokujabula lowokuthokoza, lelizwi lomyeni lelomlobokazi, ngoba ilizwe lizakuchitheka.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

Izililo 2:7

INkosi ilidelele ialtare layo, yalahla indlu yayo engcwele; yanikela esandleni sesitha imiduli yezigodlo zalo. Kwaba khona umsindo wokunqoba endlini yayo engcwele njengosukwini lomkhosi omisiweyo.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.