UJeremiya 4:24 - iBhayibhili Elingcwele 1978

²⁴ Ngakhangela izintaba, zazinyikinyeka, lamaqaqa wonke ayenyakazela.

IBhayibhili Elingcwele LesiNdebele

²⁴ Ngakhangela ezintabeni, zazinyikinyeka, lamaqaqa wonke ayezunguzeka.

UJeremiya 4:24 ပူးပေါင်းရင်းမြစ်များ

1 AmaKhosi 19:11

Kwasekuthiwa kuye: Hamba uyekuma phezu kwentaba phambi kweNkosi. INkosi yayidlula khona. Kwaba khona umoya omkhulu olamandla udabula izintaba, uqhekeza amadwala phambi kwayo; kodwa iNkosi yayingekho emoyeni. Ngemva komoya kwaba khona ukunyikinyeka komhlaba; kodwa iNkosi yayingekho ekunyikinyekeni komhlaba.

AmaHubo 18:7

Umhlaba wazamazama, wagedezela; lezisekelo zezintaba zaqhaqhazela, zazamazama, ngoba wayethukuthele.

AmaHubo 77:18

Ilizwi lokuduma kwakho lalisesivunguvungwini; imibane yakho yakhanyisa umhlaba, lomhlaba wagedezela wazamazama.

AmaHubo 97:4

Imibane yayo iyakhanyisa umhlaba; umhlaba uyakubona, uthuthumele.

U-Eksodasi 19:18

Intaba yaseSinayi yayithunqa intuthu, ngoba iNkosi yehlela phezu kwayo ngomlilo; intuthu yayo yenyuka njengentuthu yesithando somlilo; intaba yonke yazamazama kakhulu.

U-Isaya 13:13

Ngakhoke ngizakwenza iphezulu linyikinyeke, lomhlaba unyakaziswe endaweni yawo, ngokuthukuthela kweNkosi yamabandla, osukwini lokuvuthwa kolaka lwayo.

U-Isaya 24:20

Umhlaba uyadayizela njengesidakwa, uzunguzeke njengendlu ngesikhathi sesiphepha; usindwa yizono zabantu, uzakuwa, ungabe usavuka futhi.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UJeremiya 8:16

Ukuthimula kwamabhiza ezitha kuyezwakala koDani; ekuzwakaleni komsindo wokukhala kwamabhiza amaduna ilizwe lonke liyathuthumela. Ngoba zifikela ukudla ilizwe, lakho konke okukulo, umuzi labahlala kiwo.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UHezekhiyeli 38:20

Inhlanzi zolwandle, lenyoni zaphezulu, lenyamazana zeganga, lazo zonke izinto ezihahabayo phansi, labo bonke abantu abakhona emhlabeni, kuzathuthumela phambi kwami; intaba zizadilizelwa phansi, kudilike amawa, lemiduli yonke iwele phansi.

UMikha 1:4

Intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo, zibe njengamanzi ageleza emaweni.

UHabhakhukhi 3:10

Intaba zakubona wena, zathuthumela, lezikhukhula zamanzi zedlula; amanzi amanengi akhupha ilizwi lawo, aphakamisela izandla zawo phezulu.

UHabhakhukhi 3:6

Ekusukumeni kwakhe umhlaba wanyikinyeka, ekukhangeleni kwakhe kwathuthumela izizwe; intaba zasendulo zahlakazeka, amaqaqa angelakuphela atshona. Indlela zakhe zazinjengasendulo.

Isambulo 6:14

lomkhathi wagoqeka njengomqulu wencwadi egoqwayo, lezintaba lezihlenge zonke zasuswa endaweni zazo.