UJeremiya 4:2 - iBhayibhili Elingcwele 1978

² futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

IBhayibhili Elingcwele LesiNdebele

² njalo nxa uzafunga ngobuqotho, ngokulunga langokuqonda, uthi, ‘Ngeqiniso elinjengoba uThixo ekhona,’ ngakho izizwe uzazibusisa ziziqhenye ngaye.”

UJeremiya 4:2 ပူးပေါင်းရင်းမြစ်များ

UGenesisi 22:18

langenzalo yakho zonke izizwe zomhlaba zizabusiswa, ngoba ulalele ilizwi lami.

1 AmaKhosi 3:6

USolomoni wathi: Wenzele ubaba uDavida inceku yakho umusa omkhulu, ngoba wahamba phambi kwakho ngobuqotho langokulunga langokuthembeka; waqhubeka ngokumenzela umusa lo omkhulu, wamnika indodana yokubusa esikhundleni sakhe lamuhla.

AmaHubo 72:17

Ibizo layo kalime kuze kube nini lanini, lodumo lwayo luqhubeke njalo lisekhona ilanga. Abantu kababusiswe ngayo, lezizwe zonke zithi: Ibusisiwe.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

U-Isaya 45:23

Ngizifungile mina, ngakhuluma ilizwi eliqinisekileyo elingasayikwaphulwa futhi, elithi: Wonke amadolo azakuguqa phambi kwami, lezindimi zonke zizakungifunga.

U-Isaya 45:25

Kanti inzalo kaIsrayeli izakunqoba, ithokoze ngeNkosi.

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UJeremiya 12:15

Ngemva kokubasiphuna kwami, ngizabuya ngibe lesihawu kubo, ngibabuyise futhi kube yilowo lalowo endaweni yakhe lelizweni lakibo.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UJeremiya 5:2

Loba besithi: Ngifunga iNkosi; kanti bafunga amanga nje.

UJeremiya 7:5

Ngoba uba lilungisa indlela zenu lezenzo zenu isibili, uba lisenza ukulunga impela phakathi kwenu,

UJeremiya 9:24

kodwa ozincomayo kazincome ngalokhu, ukuthi uyangiqedisisa, futhi uyazi ukuba mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyezithanda, kutsho iNkosi.

UHosiya 2:19

Ngizakuzimisela wena Israyeli ube ngumkami kokuphela, ngizimisele wena ngokuqotho langokulunga langothando olungapheliyo.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

1 AbaseKhorinte 1:31

Ngakhoke njengokulotshiweyo: Ozincomayo kazincome eNkosini.

2 AbaseKhorinte 10:17

Kodwa ozincomayo kazincome ngeNkosi.

AbaseGalathiya 3:8

Lombhalo wabona ngaphambili ukuba uNkulunkulu uzakulungisisa abezizwe ngokukholwa, watshumayela ivangeli ngaphambili kuAbrahama wathi: Izizwe zonke zizakubusiswa kuwe.

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UDutheronomi 4:30

Lapho lisekuhluphekeni lisehlelwa yilezizinto zonke, ensukwini ezizayo lizakuphendukela eNkosini uNkulunkulu wenu, lilalele ilizwi layo;

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

URuthe 3:13

Hlala lapha lobubusuku; kuzakuthi ekuseni uba yena ethanda ukungena esikhundleni sesihlobo esiseduze, kulungile; kodwa uba engathandi, ngizakukwenza lokho mina, ngifunga iNkosi. Lalake kuze kuse.

1 USamuyeli 20:3

Kodwa uDavida wafunga wathi: Uyihlo uyazi kuhle ukuba wena uyangithanda; uthi: UJonathani kangakwazi lokhu funa abe losizi. Kodwake ngifunga iNkosi kanye lawe, kangikhatshana lokufa.