UJeremiya 4:19 - iBhayibhili Elingcwele 1978

¹⁹ Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

IBhayibhili Elingcwele LesiNdebele

¹⁹ Maye, ngobuhlungu, ubuhlungu engibuzwayo. Ngiyazitshila ngenxa yobuhlungu. Maye, ngokufuthelwa kwenhliziyo yami! Inhliziyo yami iyatshaya ngaphakathi kwami, angingeke ngithule, ngoba ukukhala kwecilongo sengikuzwile, umkhosi wempi sengiwuzwile.

UJeremiya 4:19 ပူးပေါင်းရင်းမြစ်များ

UGenesisi 49:6

Moya wami ungangeni emphakathini wabo, ungahlangani labo emhlanganweni wabo; ngoba ngolaka lwabo babulala abantu, ngobudlova babo baquma izinkabi umsipha.

2 AmaKhosi 4:19

Wasememeza kuyise esithi: Ngafa likhanda! ngafa likhanda! Uyise wathi encekwini yakhe: Mthwale umuse kunina.

2 AmaKhosi 8:11

Umuntu kaNkulunkulu wasemjolozela, waze waba lenhloni uHazayeli. Umuntu kaNkulunkulu wasekhala.

AmaHubo 103:1

Ibonge iNkosi, mphefumulo wami, lakho konke okuphakathi kwami kakubonge ibizo layo elingcwele.

AmaHubo 116:7

Buyela ekuphumuleni kwakho, mphefumulo wami, ngoba iNkosi ikuphathe ngomusa.

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

AmaHubo 119:53

Ngiyathukuthela kakhulu ngenxa yababi abatshiya umlayo wakho.

AmaHubo 146:1

Dumisani iNkosi! Dumisa iNkosi, mphefumulo wami.

AmaHubo 16:2

Ngithi eNkosini: Wena uyiNkosi yami, kangilakho okuhle ngaphandle kwakho.

U-Isaya 15:5

Inhliziyo yami iyamkhalela uMowabi; ababalekileyo bakhe babalekela eZowari. Abanye bakhwela emawatheni eLuhithi bekhala; labanye basendleleni yaseHoronayimi bedazuluka.

U-Isaya 16:11

Ngakhoke ngiyakhala njengechacho ngoMowabi, lenhliziyo yami ikhalela iKiri‐Haresethi.

U-Isaya 21:3

Ngakhoke ngilobuhlungu obukhulu, ngiphethwe ngumhelo, umhelo ofana lowowesifazana obelethayo; ngikhathazeka kakhulu ukuze ngingezwa, ngihlupheka kakhulu ukuze ngingaboni.

U-Isaya 21:4

Ngilahlekelwe yingqondo, ngatshaywa luvalo; ukuhwalala ebengikufisa ukuba kufike kungilethele ukuthuthumela.

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

UJeremiya 23:9

Ngabaprofethi. Inhliziyo yami yephukile phakathi kwami, lamathambo ami wonke ayathuthumela; nginjengomuntu odakiweyo, lanjengomuntu owehlulwe liwayini, ngenxa yeNkosi, langenxa yamazwi ayo angcwele.

UJeremiya 4:21

Koze kube nini ngibona uphawu lwempi, ngizwe ukukhala kophondo?

UJeremiya 4:5

Khulumani koJuda, limemeze eJerusalema lithi: Khalisani uphondo elizweni, limemeze kakhulu lithi: Buthanani, singene emizini ebiyelweyo.

UJeremiya 42:14

lithi: Atshi bo! sizakuya elizweni laseGibithe lapho singayikubona impi khona, singayikuzwa ukukhala kophondo, singayikulamba, sihlale khona;

UJeremiya 49:2

Ngakhoke insuku ziyeza, kutsho iNkosi, lapho ngizakwenza ukuba kuhlatshwe umkhosi wempi ngeRaba elamaAmoni. Lizachitheka, lemizi yalo itshiswe ngomlilo; loIsrayeli alithathe futhi ilizwi lakhe kulabo abamamukayo, kutsho iNkosi.

UJeremiya 50:22

Kukhona umsindo wokulwa elizweni, lokuchitheka okukhulu.

UJeremiya 6:24

Siyizwile imibiko ngalokho, izandla zethu ziphela amandla, losizi lusibambile, lobuhlungu obunjengobowesifazana ohelelwayo.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

UJeremiya 8:21

Ngokulimala kwabantu bami inhliziyo yami ilimele, ngiyakhala, lokudabuka kungehlele.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

Izililo 1:16

Ngiyakhala ngenxa yalokho, amehlo ami ajuluka inyembezi; ngoba umduduzi ukhatshana lami obezakungimisa isibindi. Abantwana bami bachithekile ngoba isitha sinqobile.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 7:15

Mina Daniyeli, umoya wami wakhathazeka, lemibono yengqondo yami yangethusa.

UDanyeli 7:28

Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

AmaNani 10:9

Kuzakuthi lapho liphuma impi elizweni lakini ukuyakulwa lezitha ezilicindezelayo, lihlabe umkhosi ngezimpondo, ukuba iNkosi uNkulunkulu wenu ilikhumbule, likhululwe ezitheni zenu.

AbaseRoma 10:1

Bazalwane, ukufisa kwenhliziyo yami lokukhuleka kwami kuNkulunkulu ngabakithi kuyikuba basiliswe.

1 AbaseKhorinte 14:8

Uba uphondo lukhala ngelizwi elingaqondakaliyo, ngubani ozakuzilungisela ukulwa na?

AbaseGalathiya 4:19

Bantwana bami, ngilomhelo futhi ngani, uKristu aze abunjwe phakathi kwenu.

Abahluleli 5:21

Amanzi eKishoni abakhukhula, amanzi amanengi omfula iKishoni. Wena mphefumulo wami, hamba ngamandla!