UJeremiya 4:18 - iBhayibhili Elingcwele 1978

¹⁸ Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

IBhayibhili Elingcwele LesiNdebele

¹⁸ “Ukuziphatha kwakho lezenzo zakho kwehlisele lokhu phezu kwakho. Lesi yisijeziso sakho. Sibuhlungu kakhulu! Sihlaba enhliziyweni!”

UJeremiya 4:18 ပူးပေါင်းရင်းမြစ်များ

AmaHubo 107:17

Abanye babeyizithutha, ngenxa yezono zabo langenxa yobubi babo bahlupheka;

Izaga 1:31

ngakhoke bazakudla izithelo zokuhamba kwabo, basuthiswe ngamacebo abo.

Izaga 5:22

Omubi uyathiywa ngezakhe izenzo ezimbi, abanjwe yizono zakhe.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UJeremiya 14:16

kuthi abantu abatshumayela kibo baphoselwe endleleni zeJerusalema, bebulewe yindlala lempi, kungasekho muntu wokubangcwaba, bona labomkabo, lamadodana abo lamadodakazi abo. Ngoba ngizakwehlisela ububi babo phezu kwabo.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 26:19

Kambe inkosi yakoJuda uHezekiya labo bonke abakoJuda bambulala yena yini? Angithi bayesaba iNkosi, bayincenga, kayiyekelanga yini iNkosi ukukwenza okubi eyayikukhulume ngabo na? Sizakwehlisela phezu kwethu ububi obukhulu na?

UJeremiya 5:19

Kuzakuthi lapho abakini besithi: INkosi, uNkulunkulu wethu, yenzeleni zonke lezizinto kithi na? uzakuthi kibo: Njengoba lingihlamukele, lakhonza abanye onkulunkulu elizweni lakini, lizakusebenzela abantu bezizwe elizweni elingesilo elenu.

UJeremiya 5:25

Ububi benu buvimbele konke lokhu, lezono zenu zilivalela okuhle.

UJeremiya 6:19

Zwana, wena mhlaba; ngehlisela okubi phezu kwalababantu, kuyizithelo zemicabango yabo, ngoba kabalalelanga ilizwi lami, lomlayo wami bawalile.

Izililo 3:15

Ingehlisele ubuhlungu, yanginathisa umhlonyane.

UHezekhiyeli 39:24

Ngabaphatha ngokufanele ukungcola kwabo leziphambeko zabo, ngabafihlela ubuso bami.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.