UJeremiya 4:16 - iBhayibhili Elingcwele 1978

¹⁶ Xwayisani izizwe ukuthi uyeza, bikani kulo iJerusalema lithi: Kufika abavimbezeli bevela elizweni elikhatshana; bayamemeza kuyo imizi yakoJuda.

IBhayibhili Elingcwele LesiNdebele

¹⁶ Izizwe zitshele lokhu, ukubike laseJerusalema, “Ibutho elivimbezelayo liyeza livela elizweni elikhatshana, limemezela umkhosi wempi emadolobheni akoJuda.

UJeremiya 4:16 ပူးပေါင်းရင်းမြစ်များ

U-Isaya 34:1

Sondelani, lina zizwe, ukuba lizwe, lilalele, lani bantu. Umhlaba kawulalele, lakho konke okukiwo, ilizwe, lakho konke okuvela kilo.

U-Isaya 39:3

UIsaya umprofethi wasesiya enkosini uHezekiya, wathi kuyo: Batheni lababantu na? Futhi bebevela ngaphi? UHezekiya wathi: Bafikile kimi bevela elizweni elikhatshana, kwelaseBabiloni.

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 16:6

Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

UJeremiya 2:15

Izilwane sezimbhongele, zakhonya kakhulu. Zenza ilizwe lakhe laba yinkangala, lemizi yakhe ingamanxiwa, kayiselamuntu.

UJeremiya 31:10

Zwanini ilizwi leNkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzakumbutha, amaluse njengomalusi eselusa umhlambi wakhe.

UJeremiya 39:1

Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

UJeremiya 4:17

Njengabalindi bensimu balihanqa inxa zonke, ngoba lingihlamukele, kutsho iNkosi.

UJeremiya 5:15

Ngizakukulethela isizwe esivela khatshana, wena ndlu kaIsrayeli, kutsho iNkosi. Yisizwe esilamandla, yisizwe esidala, yisizwe ongalwaziyo ulimi lwaso, longayikukuzwa lokho esikukhulumayo.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

UJeremiya 50:2

Memezani phakathi kwezizwe, litshumayele; misani uphawu, litshumayele, lingakufihli, lithi: IBabiloni linqotshiwe, uBali uyangekile, loMerodaki uchithiwe. Izithombe zalo ziyangisiwe, lemifanekiso yalo emibi ichithekile.

UJeremiya 6:18

Ngalokhoke, zwanini lina zizwe, lazi lokho okuzabehlela.

UJeremiya 6:19

Zwana, wena mhlaba; ngehlisela okubi phezu kwalababantu, kuyizithelo zemicabango yabo, ngoba kabalalelanga ilizwi lami, lomlayo wami bawalile.

UJeremiya 6:22

INkosi ithi: Khangela, abantu bayeza bevela elizweni elisenyakatho, isizwe esikhulu siyavuka endaweni ezikhatshana zomhlaba.

UJeremiya 6:23

Baphethe imitshoko lemikhonto, balesihluku, kabalasihawu, lomdumo wabo unjengokuduma kolwandle; bagade amabhiza, behleliwe njengabantu abayakulwa, behlelelwe ukulwa lawe, Ziyone.

UJeremiya 8:19

Lalelani ukukhala kwabantu bami, kuvela kuyo yonke imikhawulo yelizwe, kuthi: INkosi kayikho eZiyone na? INkosi yalo kayikho phakathi kwalo na? Bangicunuleleni ngezithombe zabo ezibaziweyo, langezithombe zezizwe na?

UHezekhiyeli 21:22

Umtshoko wokuvumisa obhalwe ukuthi iJerusalema uwele ngakwesokunene sayo; kulapho okufanele imemeze khona, ihlabe umkhosi wempi, imise izigodo zokudiliza amasango, lamadundulu okuvimbezela, yakhe lezinqaba.