UJeremiya 4:13 - iBhayibhili Elingcwele 1978

¹³ Khangela, umufo uyeza njengamayezi, inqola zakhe zokulwa zinjengesivunguzane, lamabhiza akhe alejubane kulokhozi. Maye babo, ngoba sichithekile!

IBhayibhili Elingcwele LesiNdebele

¹³ Khangela! Uyeza njengamayezi, izinqola zakhe zempi zibuya njengesivunguzane, amabhiza akhe alesiqubu esedlula esengqungqulu. Maye! Sesiphelile!

UJeremiya 4:13 ပူးပေါင်းရင်းမြစ်များ

2 USamuyeli 1:23

USawuli loJonathani babethandeka, bebahle. Ekuphileni lasekufeni kwabo kabehlukaniswanga; babelejubane kulenkozi, belamandla kulezilwane.

U-Isaya 13:5

Bavela elizweni elikhatshana, emikhawulweni yezulu, iNkosi kanye lezikhali zentukuthelo yayo, ukuba bachithe ilizwe lonke.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

U-Isaya 3:8

IJerusalema ikhubekile, loJuda uwile, lokhu ukukhuluma kwabo lokwenza kwabo kuphambene leNkosi, ukudelela ubukhosi bayo.

U-Isaya 5:28

imitshoko yabo ibukhali, lamadandili awo wonke agotshiwe, amangqina amabhiza abo alukhuni njengelitshe, lamavili enqola zokulwa agijima njengesivunguzane.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJeremiya 10:19

Maye mina ngenxa yokulimala kwami! Inxeba lami libi. Kodwa ngathi mina: Lokhu kuyinhlupheko yami engifanele ukuyithwala.

UJeremiya 4:12

kodwa umoya olamandla, uyeza uthunywe yimi. Mina uqobo ngizakubagweba.

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

UJeremiya 46:18

Ngizifunga mina uqobo, kutsho iNkosi, mina engiyiNkosi yamabandla. NjengeTabori phakathi kwezintaba lanjengeKarmeli phansi kolwandle uzafika othile.

UJeremiya 48:40

Ngoba iNkosi ithi: Ukhona ozaphapha njengokhozi, elulele impiko zakhe eMowabi.

UJeremiya 49:22

Ukhona ozaqonga njengokhozi, ehle ngesiqubu elulele impiko zakhe ngakuBozira; lenhliziyo zamaqhawe eEdoma ngalolosuku zizakuba njengenhliziyo yowesifazana ohelelwayo.

UJeremiya 6:23

Baphethe imitshoko lemikhonto, balesihluku, kabalasihawu, lomdumo wabo unjengokuduma kolwandle; bagade amabhiza, behleliwe njengabantu abayakulwa, behlelelwe ukulwa lawe, Ziyone.

UJeremiya 9:19

Ngoba ilizwi lokukhala liyezwakala liphuma eZiyone lisithi: Yeka ukuchitheka kwethu! Silenhloni kakhulu, ngoba silitshiyile ilizwe, ngoba babhidlizile izindlu zethu.

Izililo 4:19

Abasizingelayo babelejubane kulamanqe aphezulu, baxotshana lathi ezintabeni, basicathamela enkangala.

UHezekhiyeli 26:10

Ngenxa yobunengi bamabhiza akhe uthuli lwawo luzakukusibekela, lemiduli yakho izanyikinywa ngumsindo wabagadi bamabhiza lowezinqola zokulwa, nxa engena emasangweni akho njengomuntu ofohlela emzini.

UHezekhiyeli 38:9

Uzaqhubeka, uze njengesiphepha, ube njengeyezi elisibekele umhlaba, wena lawo wonke amaxuku akho, abantu abanengi belawe.

UDanyeli 11:40

Ngesikhathi sokuphela inkosi yaseningizimu izakuyihlasela; kodwa inkosi yasenyakatho izayisukela njengesivunguzane ilezinqota zokulwa, labagadi bamabhiza, lemikolo eminengi, ihlasele amazwe, ikhukhule, idlule.

UDanyeli 7:4

Esokuqala sasifana lesilwane, silempiko zenkozi. Kwathi lapho ngisakhangele, impiko zaso zephulwa, saphakanyiswa emhlabathini, samiswa ngenyawo ezimbili njengomuntu, sanikwa ingqondo yomuntu.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

UMikha 2:4

Ngalolosuku bazahlabela ingoma eyinhlekisa ngani, bakhale isililo esikhulu, bathi: Ilizwe labantu bakithi labiwe; kakho ongalibuyisa kithi; labo abasithumbileyo basithathele amasimu ethu; sichithekile impela!

UNahume 1:3

INkosi iyaphuza ukuthukuthela, kodwa ilamandla amakhulu, kayiyikumyekela olecala; indlela yayo isesivunguzaneni lesiphepheni, amayezi aluthuli lwenyawo zayo.

UHabhakhukhi 1:8

Amabhiza aso alejubane kulezingwe, ayesabeka kulempisi ehamba kusihlwa; abagadi bamabhiza aso baqhubekela phambili, bevela elizweni elikhatshana, bandize njengokhozi oluphuthuma ukudla.

UZakhariya 6:1

Ngabuya ngaphakamisa amehlo ami, ngabona inqola zokulwa ezine ziphuma phakathi kwentaba ezimbili ezazingezethusi.

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UDutheronomi 28:49

INkosi izalithumela isizwe esivela khatshana emkhawulweni womhlaba ukulihlasela, sifike ngejubane lokhozi, isizwe elingalwaziyo ulimi lwaso,

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.