UJeremiya 4:11 - iBhayibhili Elingcwele 1978

¹¹ Ngalesosikhathi kuzakuthiwa kulabobantu lakulo iJerusalema: Umoya otshisayo ovela enkangala emadundulwini angelalutho, uyavunguza phezu kwabantu bami, ungesiwo wokwela lokuhlungula,

IBhayibhili Elingcwele LesiNdebele

¹¹ Ngalesosikhathi abantu laba leJerusalema kuzathiwa kubo, “Umoya otshisayo ovela enkangala emiqolweni elugwadule uvunguza usiya ebantwini bami, kodwa kungayisikwela kumbe ukuhlungula,

UJeremiya 4:11 ပူးပေါင်းရင်းမြစ်များ

AmaHubo 11:6

Phezu kwababi uzakwehlisela amalahle omlilo lesolufa; lomoya otshisayo uzakuba yisabelo sabo.

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

U-Isaya 27:8

Ngokubaxotsha langokubasa ekuthunjweni ibatshayile abantu bayo; yabasusa ngomoya wayo olamandla ngokuphephetha komoya wasempumalanga.

U-Isaya 41:16

uzakuwaphosa phezulu, lomoya uzawaphephula, lesivunguzane siwachithachithe; uthokoze ngeNkosi, uzibonge ngoNgcwele kaIsrayeli.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.

UJeremiya 13:24

Ngizalichithachitha njengamakhoba aphetshulwe ngumoya ovela enkangala.

UJeremiya 14:17

Uzakutsho lelilizwi kibo elokuthi: Amehlo ami kawehlise inyembezi ebusuku lemini zingakhawuli, ngoba abantu bami balimele kakhulu, balinyazwe yikutshaywa okubi.

UJeremiya 23:19

Khangelani, ulaka lweNkosi lunjengesivunguzane, luphumile, lunjengesiphepha esivunguzayo, luzakwehlela phezu kwababi.

UJeremiya 4:12

kodwa umoya olamandla, uyeza uthunywe yimi. Mina uqobo ngizakubagweba.

UJeremiya 8:19

Lalelani ukukhala kwabantu bami, kuvela kuyo yonke imikhawulo yelizwe, kuthi: INkosi kayikho eZiyone na? INkosi yalo kayikho phakathi kwalo na? Bangicunuleleni ngezithombe zabo ezibaziweyo, langezithombe zezizwe na?

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:7

Ngakhoke, iNkosi yamabandla ithi: Ngizabancibilikisa ngibahlole; ngoba kuyini okunye engingakwenza ngenxa yabantu bami?

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 3:48

Amehlo ami agobhoza inyembezi ngenxa yokubhujiswa kwabantu bami.

Izililo 4:10

Izandla zabesifazana abalesihawu zapheka abantwana babo, baba yikudla kwabo ekubhujisweni kwabantu bami.

Izililo 4:3

Lamakhanka ayehlisa, amunyise imidlwane yawo, kodwa abantu bami sebelesihluku njengezintshe zasenkangala.

Izililo 4:6

Ngoba ukutshaywa kwabantu bami kube kukhulu kulokutshaywa kwabaseSodoma elachithwa ngesikhatshana, kungekho okhalayo.

UHezekhiyeli 17:10

Nxa selisitshuniwe, lizaphumelela na? Kaliyikubuna yini nxa umoya wasempumalanga ulibetha, libunele endaweni elakhula kiyo na?

UHezekhiyeli 19:12

Kodwa isihlahla sevini sasitshunwa ngokuthukuthela, saphoselwa phansi, lomoya wasempumalanga wasomisa, lezithelo zaso zaphephuka, isigodo saso esiqinileyo soma, umlilo wasitshisa.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.

UHosiya 13:3

Ngalokhoke bazakuba njengenkungu yasekuseni, babe njengamazolo aphela ekuseni, njengomule ophephuka esizeni, njengentuthu ethunqa ngetshimini.

UHosiya 4:19

Umoya uzabakhukhula, ubagoqele ngempiko zawo, ama‐altare abo azabalethela ihlazo kuphela.

UHabhakhukhi 1:11

Sivunguze njengomoya, sedlule, singabantu abamandla abo angunkulunkulu wabo.

UHabhakhukhi 1:6

Ngoba, khangelani, ngivusa amaKaladiya, isizwe esilesihluku lesilamandla, esidabula emhlabeni wonke ukuyathumba indawo zokuhlala ezingeyisizo ezaso.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

ULukha 3:17

Ositsha sakhe sokwela sisesandleni sakhe; uzakuthanyela isibuya sakhe abuthele amabele esiphaleni sakhe; kodwa amakhoba uzakuwatshisa ngomlilo ongacimiyo.