UJeremiya 39:8 - iBhayibhili Elingcwele 1978

⁸ AmaKaladiya atshisa indlu yenkosi lezindlu zabantu, adilizela phansi imiduli yaseJerusalema.

IBhayibhili Elingcwele LesiNdebele

⁸ AmaKhaladiya atshisa isigodlo ngomlilo lezindlu zabantu, badiliza lemiduli yeJerusalema.

UJeremiya 39:8 ပူးပေါင်းရင်းမြစ်များ

2 AmaKhosi 25:8

Ngosuku lwesikhombisa lwenyanga yesihlanu, ngomnyaka wetshumi lesificamunwemunye wokubusa kukaNebukadineza inkosi yaseBabiloni, uNebuzaradani induna yabalindi benkosi, inceku yenkosi yaseBabiloni, wafika eJerusalema.

2 ImiLando 36:19

Yayitshisa indlu kaNkulunkulu, yadiliza umduli weJerusalema, yazitshisa zonke izigodlo zalo ngomlilo, yabulala zonke izitsha zalo eziligugu.

UNehemiya 1:3

Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

AmaHubo 79:7

Ngoba bamchithile uJakobe, bawubhidlizile umuzi wakhe.

U-Isaya 5:9

INkosi yamabandla ngiyizwile ifunga isithi: Impela izindlu ezinengi zizakuba ngamanxiwa, izindlu ezinkulu lezinhle zisale zingaselamuntu.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

UJeremiya 21:10

Ngoba ngiwukhangele lumuzi ukuba ngiwenzele okubi, ngingawenzeli okuhle, kutsho iNkosi; uzanikelwa esandleni senkosi yaseBabiloni ezakuwutshisa ngomlilo.

UJeremiya 32:29

AmaKaladiya ahlasela lumuzi azafika, awuthungele ngomlilo, awutshise kanye lezindlu obekunikelelwa phezu kwazo impepha kuBali, lobekuthululelwa phezu kwazo iminikelo yokuthululwa kwabanye onkulunkulu ukungicunula.

UJeremiya 34:2

lathi: INkosi, uNkulunkulu kaIsrayeli, ithi: Hamba uyekuthi kuZedekiya inkosi yakoJuda: INkosi ithi: Khangela, ngizanikela lumuzi esandleni senkosi yaseBabiloni, izakuwutshisa ngomlilo.

UJeremiya 34:22

Khangelani, ngizakulaya, kutsho iNkosi, ngibabuyise kulumuzi; bazakulwa lawo, bawuthumbe, bawutshise ngomlilo, ngichithe imizi yakoJuda ibe yinkangala engelamuntu.

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

UJeremiya 38:18

Kodwa uba ungazinikeli ezikhulwini zaseBabiloni, lumuzi uzathunjwa ngamaKaladiya, awutshise ngomlilo, lawe kawuyikuphunyuka ezandleni zawo.

UJeremiya 5:10

Ngenani emavinini alo liwachithe, kodwa lingawaqedi ngokupheleleyo; susani ingatsha zalo, ngoba kazisizo zeNkosi.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 1:10

Isitha selula izandla zaso ukuthatha konke okuhle kwalo. Libonile izizwe zihlasela indlu yalo engcwele, zona owazalela ukungena phakathi kwebandla lakho.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

Izililo 2:7

INkosi ilidelele ialtare layo, yalahla indlu yayo engcwele; yanikela esandleni sesitha imiduli yezigodlo zalo. Kwaba khona umsindo wokunqoba endlini yayo engcwele njengosukwini lomkhosi omisiweyo.

UHezekhiyeli 16:41

Zizatshisa izindlu zakho, zikuthonisise phambi kwabesifazana abanengi. Ngizakukhawulisa ukuwula ungabe usanika izithandwa zakho inkokhelo.

UHezekhiyeli 23:47

Ixuku lizabakhanda ngamatshe, libaqedisele ngemikhonto yalo, lizabulala amadodana lamadodakazi abo, litshise lezindlu zabo.

UHezekhiyeli 33:21

Ngomnyaka wetshumi lambili wokuthunjwa kwethu, ngosuku lwesihlanu lwenyanga yetshumi, umuntu owayephunyukile eJerusalema wafika kimi wathi: Umuzi usuchithekile.

uAmosi 2:5

Ngakho ngizathumela umlilo koJuda ozakuqeda izinqaba zeJerusalema.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.