UJeremiya 39:1 - iBhayibhili Elingcwele 1978

¹ Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

IBhayibhili Elingcwele LesiNdebele

¹ Ngomnyaka wesificamunwemunye kaZedekhiya inkosi yakoJuda, ngenyanga yetshumi, uNebhukhadineza inkosi yaseBhabhiloni waya eJerusalema lebutho lakhe lonke wayivimbezela.

UJeremiya 39:1 ပူးပေါင်းရင်းမြစ်များ

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

UJeremiya 32:1

Ilizwi leNkosi lafika kuJeremiya emnyakeni wetshumi wokubusa kukaZedekiya, inkosi yakoJuda, ongumnyaka wetshumi lesificaminwembili kaNebukadineza.

UJeremiya 34:1

Ilizwi leNkosi elafika kuJeremiya, lapho uNebukadineza inkosi yaseBabiloni layo yonke impi yakhe, lemibuso yonke yomhlaba eyayibuswa nguye, labo bonke abantu bakhe, babesilwa leJerusalema layo yonke imizi yalo,

UJeremiya 34:22

Khangelani, ngizakulaya, kutsho iNkosi, ngibabuyise kulumuzi; bazakulwa lawo, bawuthumbe, bawutshise ngomlilo, ngichithe imizi yakoJuda ibe yinkangala engelamuntu.

UJeremiya 42:18

INkosi yamabandla, uNkulunkulu kaIsrayeli, ithi: Njengokuba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi.

UJeremiya 52:1

UZedekiya wayeleminyaka engamatshumi amabili lanye ekuqaleni kwakhe ukubusa; wabusa iminyaka elitshumi lanye eJerusalema. Ibizo likanina lalinguHamutali, indodakazi kaJeremiya waseLibina.

UJeremiya 6:6

Ngoba iNkosi yamabandla ithi: Gamulani izihlahla zalo, lakhe imiduli yokuvimbezela iJerusalema. Yiwo lo umuzi ofanele ukutshaywa; yikucindezela kuphela phakathi kwawo.

UHezekhiyeli 33:21

Ngomnyaka wetshumi lambili wokuthunjwa kwethu, ngosuku lwesihlanu lwenyanga yetshumi, umuntu owayephunyukile eJerusalema wafika kimi wathi: Umuzi usuchithekile.

UHezekhiyeli 4:3

Uthathe umganu wensimbi, uwumise phakathi kwakho lomuzi, ube ngumduli wensimbi; wena ukhangele ngakuwo umuzi, umuzi ube ngovinjezelweyo, wena ube ngumvimbezeli. Lokhu kuzakuba yisibonakaliso kwabakoIsrayeli.

UHezekhiyeli 40:1

Ngomnyaka wamatshumi amabili lanhlanu wokuthunjwa kwethu, ekuqaliseni komnyaka, ngosuku lwetshumi lwenyanga, ngomnyaka wetshumi lane emva kokuthunjwa komuzi, ngalolosuku, isandla seNkosi saba phezu kwami.

UHezekhiyeli 5:2

Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.

UZakhariya 8:19

INkosi yamabandla ithi: Ukuzila ukudla kwenyanga yesine, lenyanga yesihlanu, lenyanga yesikhombisa, lenyanga yetshumi, kuzakuba yizikhathi zokuthokoza lezokuthaba lezikhathi zemikhosi yokujabula koJuda. Ngakhoke thandani iqiniso lokuthula.

UDutheronomi 28:36

INkosi izalinikela lina lenkosi yenu elayibeka ukulibusa esizweni elingasaziyo lina labokhokho benu, likhonze lapho abanye onkulunkulu abenziwe ngesigodo langelitshe.